林昌記 (已結業)

自从之前有朋友带过我去尖东林昌记食过鱼蛋之后，都冇喺出面食唔到觉得更加好食嘅鱼蛋。不过之前一直都系识开普通𠮶种鱼蛋，今次咁啱经开，谂住再去买来食下。点知今次系买嘅时候，店员好热情咁同我地讲先唔试吓黄金蛋，话今日个师傅返咗嚟。基于之前未试过，就问咗一问，知道原来黄金蛋即系炸鱼旦，咁听落觉得几特别就叫黎试吓。廷试佢哋嘅鱼蛋系＄20就有差唔多成17粒(2份)，咁今次黄金但系＄20一份，不过都好似有成十粒，都真系算好平。等左一阵就有得拎，我哋未开始食已经闻到鱼蛋炸咗出嚟嘅香味，之后一咬落去鱼蛋入面都系好有鲜味，而炸𠮶个表皮好薄同埋脆脆地，加埋一齐食嘅口感非常新鲜，值得一试。不过因为呢个黄金蛋唔系平时成日都有得卖，所以如果你去到试唔试到就要睇你运气啦！