麵麵 (已結業)

今日黎到呢间专门食鱼面同鱼乌冬既餐厅，第一次食鱼面同鱼乌冬，感觉好特别。睇完餐牌，决定叫一个汤鱼面同一个捞乌冬，可以一次过食晒，仲叫左两个小食同一杯热朱古力。四川麻辣烧牛肉拌鱼乌冬虽然唔太麻辣，但个酱汁同鱼乌冬捞埋食几夹。鱼乌冬相对地软身，适合做捞版。黑松露海虾炒蛋浓鱼汤鱼面既鱼面就相对比较弹牙，好似食紧鱼蛋，好得意。炒蛋够黑松露味，唔错。流心芝士墨鱼波同渔人乐脆都系即整既。渔人乐脆有薯条，番薯条，鱼肉春卷同墨鱼春卷。依家有圣诞晚餐拣添，不过我系下午黎食既。