麻辣五三五 (已結業)

男朋友成日都嘈住要食烤鱼😤唔多食鱼既我结果都要陪佢食🤭你开心咪得啰可睇睇餐牌呢度除咗有烤鱼食之外，仲有干锅同小炒。咁我地今次都系主用食鱼，鱼都有五种口味（香茜皮蛋、麻辣、清椒、酸菜同水煮）。我地先点一个酸菜鱼，店员都好快攞咗个炉俾我地，一盘劲多酸菜同草菇嘅烤鱼都随即送到！我就即刻试咗一啖个汤，清甜但就唔够酸，我地铺平啲酸菜再煲佢5分钟正式开餐！条鳃鱼多肉而且小骨，同酸菜一齐食好夹，外皮佢炸过，食落好香口，条鱼啲肉好滑好好食😋（因本人唔多食鱼的，鱼既部分由男友处理，我食过两啖，觉得腥就放弃了）另外我自己就叫左杯神泡sapporo再叫左个𩠌食，干煸四季豆是必食的，极之惹味，又平又大碟，我自己队左大半碟。辣辣地，用黎佐酒一流。另外为左令自己食饱，我仲叫左碗酸辣粉食，极之辣又有麻香，可惜唔多觉有酸味。不过唔怕！我有酸菜鱼，浸落去食瞬间变酸，得左。男朋友话佢下次可以带朋友黎😂我表示认同