Hungry Lobster (已結業)

同男朋友去铜锣湾行街见到V point下面有间hungry lobster，见到LOBSTER我对眼就发晒光即刻睇下个menu...原来佢地主打波士顿龙虾有唔同种类既菜式都选用龙虾去做，见到即刻入去！餐厅环境好整洁舒服，位置分布都好宽敞！外围系落地玻璃，有对住街景既高枱，就算一个人黎食都绝对系一种享受。佢地既饮品除左有汽水之外，仲好d健康既纯天然无添加蔬果汁！我就叫左龙虾汤有心思咁画上花纹，另外配烘过既面包块，用黎点汤一齐食岩岩好。汤既质感偏浓缩，一啖已经品尝到浓郁既龙虾鲜味！好自然忍唔到系咁饮，完全唔会有滞既感觉。另外叫左个龙虾意粉，大大个龙虾头加上芝士条点缀，底层既意粉有用龙虾膏制成酱，另外仲有车厘茄同啖啖肉既龙虾！意粉既酱汁因为用龙虾膏制成，所以非常鲜美！有好香浓既龙虾膏味，真系唔系咁容易食到！而且龙虾肉实得黎几爽口，绝对新鲜。佢地有太多唔同款式，下次一定要再黎试埋佢！