影片
更多
2018-04-15
1469 浏览
正因为打边炉系无咩花巧装饰，无咩烹调工夫可言，食材既质素好与坏系无得呃，一试就知龙与凤！呢间舖头唔系处于大街大巷，又唔系属于大集团，更加无放题任食，价钱唔系特别便宜，但系我地都再三帮衬，无他，就系食材够新鲜！点解今次先出食评？ 原因系人生第一次食水鱼！仲要用水鱼汤底打边炉添，所以一定要记录低呢次尝鲜经验呀。个汤底系药材汤，主要系北芪淮山桂圆，而一只水鱼切开都有十几件，不过我只系食左水鱼既脚仔，估唔到系水鱼皮既口感好滑，食落好多胶质，感觉有点像多肉版既鸡脚。友人一直讲水鱼好滋补，叫我食多d, 但我都仲系未惯食呢d，最终都只系食左两件。相反，个汤我饮左超多碗，我地系落水鱼，之后加西洋菜，饮左呢转汤然后先再加其他野，所以啖汤清甜又唔浊，好好饮。除左水鱼，今餐仲打左鱼飘，虾胶墨鱼胶，田鸡，海虾，同本地肥牛等成十样野。呢度既本地肥牛质素非常高，油脂分布均匀，入口嫰滑，有既系牛味唔系雪味。田鸡细嫰，不过份量略少，想食多件都无。海虾鲜甜弹牙，本人觉得最好咩酱料都唔好点，否则有点浪费此鲜甜滋味。但至正都系象拔蚌刺身，鲜甜不在话下，口感丰富，集爽脆嫰滑于一身，令人一片又接著一片停不下来。顺带一提，师傅刀
呢间舖头唔系处于大街大巷，又唔系属于大集团，更加无放题任食，价钱唔系特别便宜，但系我地都再三帮衬，无他，就系食材够新鲜！
点解今次先出食评？ 原因系人生第一次食水鱼！仲要用水鱼汤底打边炉添，所以一定要记录低呢次尝鲜经验呀。
个汤底系药材汤，主要系北芪淮山桂圆，而一只水鱼切开都有十几件，不过我只系食左水鱼既脚仔，估唔到系水鱼皮既口感好滑，食落好多胶质，感觉有点像多肉版既鸡脚。友人一直讲水鱼好滋补，叫我食多d, 但我都仲系未惯食呢d，最终都只系食左两件。相反，个汤我饮左超多碗，我地系落水鱼，之后加西洋菜，饮左呢转汤然后先再加其他野，所以啖汤清甜又唔浊，好好饮。
除左水鱼，今餐仲打左鱼飘，虾胶墨鱼胶，田鸡，海虾，同本地肥牛等成十样野。呢度既本地肥牛质素非常高，油脂分布均匀，入口嫰滑，有既系牛味唔系雪味。田鸡细嫰，不过份量略少，想食多件都无。海虾鲜甜弹牙，本人觉得最好咩酱料都唔好点，否则有点浪费此鲜甜滋味。但至正都系象拔蚌刺身，鲜甜不在话下，口感丰富，集爽脆嫰滑于一身，令人一片又接著一片停不下来。顺带一提，师傅刀工好好，切得好薄，摆盘好靓。
门面系重要，但作为一间餐厅，如终都系食物真材实料，能够好好把关食物品质先系最重要！
张贴
