影片
更多
2023-10-17
83 浏览
又到咗食大闸蟹嘅好季节🤤🤤 今次嚟到尼间超抵食嘅餐厅，每人送三只大闸蟹，够晒分量，起码四两半呀，仲要无限时任饮任食高汁牛颈脊同海鲜鸡煲，唔系唔冲呀嘛❗️季节限定牛颈脊套餐 $328/位🦀 大闸蟹三只鲜味十足已经好基本，重点系佢嘅大闸蟹只只都爆晒膏，净系见到都流晒口水，食落满口都系蟹膏同蟹汁，又啖啖肉，仲香甜爽口，正< 4.5/5 >🐓 海鲜鸡煲食完蟹，鸡煲就滚起，时间啱啱好，海鲜鸡煲唔系浪得虚名，有齐晒虾、蚬、鲍鱼，虾同鲍鱼都劲大只，虾好鲜甜，鲍鱼厚肉又够弹牙，至于鸡肉都好大旧，肉质都唔会太鞋，仲有啲豆卜金菇等配菜，味道带辣极惹味< 5/5 >🥩 任食火锅 - 肉类清得七七八八系时候加汤打边炉，加咗猪骨汤捞埋啲汁已经劲香，牛颈脊肉味浓厚，肉质结实口感好好，另外仲有牛小排、牛肩胛、豚肉，牛小排油花比较多，入口即溶，至于牛肩胛就比较有咬口，而豚肉肉味都好香浓，厚度切得刚好< 5/5 >🍲 任食火锅 - 配料虽然我系食肉兽，但都要食吓其他嘢嘅，何况佢啲配料都咁吸引，有自家制嘅鱼皮饺、韮菜饺、木耳猪肉饺等等，皮薄馅靓，鱼皮饺个皮好香鱼味，仲有墨鱼滑
季节限定牛颈脊套餐 $328/位
🦀 大闸蟹三只鲜味十足已经好基本，重点系佢嘅大闸蟹只只都爆晒膏，净系见到都流晒口水，食落满口都系蟹膏同蟹汁，又啖啖肉，仲香甜爽口，正
< 4.5/5 >
🐓 海鲜鸡煲
食完蟹，鸡煲就滚起，时间啱啱好，海鲜鸡煲唔系浪得虚名，有齐晒虾、蚬、鲍鱼，虾同鲍鱼都劲大只，虾好鲜甜，鲍鱼厚肉又够弹牙，至于鸡肉都好大旧，肉质都唔会太鞋，仲有啲豆卜金菇等配菜，味道带辣极惹味
< 5/5 >
🥩 任食火锅 - 肉类
清得七七八八系时候加汤打边炉，加咗猪骨汤捞埋啲汁已经劲香，牛颈脊肉味浓厚，肉质结实口感好好，另外仲有牛小排、牛肩胛、豚肉，牛小排油花比较多，入口即溶，至于牛肩胛就比较有咬口，而豚肉肉味都好香浓，厚度切得刚好
< 5/5 >
🍲 任食火锅 - 配料
虽然我系食肉兽，但都要食吓其他嘢嘅，何况佢啲配料都咁吸引，有自家制嘅鱼皮饺、韮菜饺、木耳猪肉饺等等，皮薄馅靓，鱼皮饺个皮好香鱼味，仲有墨鱼滑、鱼片、鱿鱼、牛舌、猪红、蒟蒻尼啲特别嘢，当然唔少得各式各样嘅丸类、菜类、面类，每样都好多款式，一款食一旧都饱晒，质素都中上㗎
< 4/5 >
-
🍧 甜品
最后当然唔少得食雪糕啦，分别有芒果、曲奇、士多啤梨雪糕，有好多果蓉喺入面㗎，除咗雪糕，竟然仲有泡芙，好味好味
< 4/5 >
-
🧃 饮品
打边炉都一定要饮嘢嘅，尼度可以任饮啤酒添，有ICE、麦啤、黑啤，多多都可以饮，仲有汽水、忌廉沟鲜奶、柠檬茶、乌龙茶、凉粉冰、果汁等，任君选择
< 4/5 >
—。—
+ plus 10% service charge
—。—
顺便提提，四人同行当中有当月寿星，仲有一份免费皇牌或澳洲和牛套餐，我本人就系寿星🤣 仲要一人一个印花，储够廿个即送日本A4和牛套餐，有冇人想陪我储下印花 🙈🙈
—。—
好味👅：4/5
服务💁🏻♀️：4.5/5
抵食💰：5/5
环境🏖：3/5
张贴
