佳記餐廳 (已結業)

呢日下午茶时间见有少少肚饿，就一个人走咗去良景市集，入面嘅佳记餐厅食下午茶。下午茶餐都有几多选择，见餐牌上面嘅面包好吸引，于是就叫咗一份鲜牛油菠萝包，配热茶走，盛惠$25。鲜牛油菠萝包好快就上枱，上枱时热辣辣，表面香脆松化。入边夹有一块带有咸香嘅牛油。 甜甜嘅脆皮加上咸香嘅牛油，真系既邪恶又美味。热茶走，色泽带金黄，颜色漂亮。口感顺滑，味道相当唔错。今餐嘅面包及茶走知道都相当唔错，我谂我久不久都会再返嚟帮衬。