影片
更多
2018-09-08
52 浏览
朋友啱啱收工，庆祝转新约加人工，咁紧系要食餐好既贺下佢啦，于是豪一豪，去试下酒店级既日本料理。呢间千上位于宝勒巷粤某酒店既一楼，环境舒服，唔会太多人太逼，非常啱同朋友聚会倾计。炸河虾（左）及炸鸡软骨（右）先点两个小食，分别系炸河虾同炸鸡软骨，鸡软骨外层炸粉松脆够薄，而且炸得好脆好香口，加上少少盐，够晒惹味。河虾仔就比较淡身，炸得脆脆地，但都食到虾仔鲜味，好啱送酒。千上鱼生沙律净系卖相都已经唔错，有三文鱼及鱼子、鲭鱼等，加埋少少脆米同沙律菜，脆卜卜之余亦食到鱼既鲜甜味，口感丰富。柚子南瓜煮日本南瓜加上柚子既配搭，清新甜美，而南瓜煮得够冧够软，甜得嚟好特别，有少少似食紧蕃薯。刺身拼盘（三文鱼*2、甜虾*2、北寄贝*1、带子*2）刺身质素唔错，都几新鲜，三文鱼切得几厚，啖啖肉，而甜虾就够鲜味，不过我会推荐带子，因为师傅落咗少少柠檬皮，带出带子肉既甜味之外，仲有种清新既味道。烤鱿鱼原只鱿鱼加上酱汁烤，鱿鱼够干身，而且都几入味，鱿鱼胡仲烧得香香脆脆，好啱送酒。加洲反卷*2表面铺上唔少蟹子，入面包咗蛋、蟹柳、青瓜，加埋沙律酱，非常开胃。牛肉火锅用上寿喜烧汤底，牛肉充满酱油味，捞埋只蛋同菜食，好啱
呢间千上位于宝勒巷粤某酒店既一楼，环境舒服，唔会太多人太逼，非常啱同朋友聚会倾计。
炸河虾（左）及炸鸡软骨（右）
先点两个小食，分别系炸河虾同炸鸡软骨，鸡软骨外层炸粉松脆够薄，而且炸得好脆好香口，加上少少盐，够晒惹味。河虾仔就比较淡身，炸得脆脆地，但都食到虾仔鲜味，好啱送酒。
千上鱼生沙律
净系卖相都已经唔错，有三文鱼及鱼子、鲭鱼等，加埋少少脆米同沙律菜，脆卜卜之余亦食到鱼既鲜甜味，口感丰富。
柚子南瓜煮
日本南瓜加上柚子既配搭，清新甜美，而南瓜煮得够冧够软，甜得嚟好特别，有少少似食紧蕃薯。
刺身拼盘（三文鱼*2、甜虾*2、北寄贝*1、带子*2）
刺身质素唔错，都几新鲜，三文鱼切得几厚，啖啖肉，而甜虾就够鲜味，不过我会推荐带子，因为师傅落咗少少柠檬皮，带出带子肉既甜味之外，仲有种清新既味道。
烤鱿鱼
原只鱿鱼加上酱汁烤，鱿鱼够干身，而且都几入味，鱿鱼胡仲烧得香香脆脆，好啱送酒。
加洲反卷*2
表面铺上唔少蟹子，入面包咗蛋、蟹柳、青瓜，加埋沙律酱，非常开胃。
牛肉火锅
用上寿喜烧汤底，牛肉充满酱油味，捞埋只蛋同菜食，好啱送饭。
天妇罗盛
炸物质素唔错，炸浆脆薄，海虾爽口弹牙，南瓜外脆内软，加少少萝卜蓉落天妇罗汁，味道清爽开胃。
毛蟹粥
用上大大只既毛蟹拆肉煲粥，加上蛋花同少少萝卜，粥身绵滑，好有蟹既甜味，食到啖啖蟹肉，强烈推荐。
最后店方仲送上雪糕做甜品，有豆腐、芝麻、抹茶、朱古力，虽然已经食到好饱，不过都系忍唔住食，今餐真系大满足。
张贴
