胡爐 (已結業)

今次介绍嘅《胡炉》位于尖沙咀厚福街，主打优质新鲜食材制成火锅。胡炉醉八鲜锅依款系佢地嘅必点菜式之一，八鲜即系八款海鲜，分别有主打嘅龙虾、鲍鱼、青口、蚬、鱿鱼、东风螺、花胶、鱼翅。首先店员会用金属锅上枱，可以好清晰咁见到每一款海鲜。跟住会倒入秘制料酒再点火，见到熊熊烈火就系打卡嘅时间。所以每蒸发掉酒精，留下酒香嘅味道。精华部份一定要饮佢哋个汤，会有香浓嘅海鲜味。跟住再食一啖龙虾肉，鲜甜又弹牙。然后可以慢慢品尝其余嘅海鲜，每一款都充满鲜味。胡炉牛拼盘食得打边炉，当然唔少得靓嘅牛肉。依个牛拼盘包含极上手切牛颈脊、牛胸爽、霜降牛粒、牛舌芯、安格斯手切肥牛。一次过试哂咁多款，肉味最浓就一定系牛颈脊。要牛脂味就可以拣手切肥牛。饺子拼盘一次过可以试哂黑松露饺、鱼皮饺、鲜虾云吞。黑松露饺就味道最香浓，而鲜虾云吞就大大只虾，味道鲜甜。丸类拼盘最特别一定要数墨鱼丸、虾丸、牛丸同埋黑松露墨鱼丸。每一款都系新鲜手打，所以食落特别弹牙。最后当然要叫番过蔬菜拼盘，啲蔬菜吸收晒海鲜嘅味道，都变得好鲜甜。 ✨人均400左右如果唔想错过其他好介绍，记得follow我呀😘多谢大家！！！`*-.,.-*`♪`*-.,.-*