滿粥順德粥底海鮮火鍋

营业中

休息中

边炉就打得多，但系用粥底去打边炉就真系第一次，感觉好新奇🫣🫣感觉卑人既可以享受美食又可以养生嘅感觉！今次屋企人一齐叫咗肉蟹餐，有海鲜同6款火锅配料海鲜有数款全部都非常新鲜生猛，连最普通嘅蚬都十分肥美多汁！基围虾每个人头有三只，上来嘅时候仲识得郁😮😮屋企人最钟意食鱼片，非常滑而且完全冇腥味。仲有一人一只新鲜鲍鱼仔，肉质弹牙，新鲜感觉到！今次嘅主角肉蟹都几大只，蟹钳入面啖啖肉，只可惜蟹盖入面冇咩蟹膏，蟹膏爱好者有啲啲伤心😢食完海鲜可以落南瓜和芋头粒粒，本身我麻麻地南瓜，但系发现煮融咗嘅南瓜可以增加最后粥嘅清新味，唔错火锅配料我地拣咗肥牛猪肉片等嘅肉类，虽然每一款份量唔系好多，但系始终有六样所以食到最后都非常饱肚。肥牛质素唔错，油香十足。我几钟意鱼肉腐竹卷，腐竹入面包住咗薄薄一层鱼肉，味道不错👍🏻套餐总体而言食得好满足！只系唔包饮品要另叫。店员嘅服务都几周到，会帮手检查下海鲜煮嘅状态。