鮮魚湯 (河傍街)

营业中

休息中

喺屯门谂住早啲食饭先番屋企，平时都有帮衬开呢间嘅鱼汤、泡饭啊、面，价钱唔算好贵，所以早少少黎。未够6点我地就黎到，有四、五枱客人，平时黎夜少少黎都爆哂啊，搭枱系基本，同埋都唔会好阔落，但我地当快餐咁食，所以冇乜所谓。今日早左，人冇咁多，坐得舒服啲。我地点左个泡饭，另外点左个梅菜扣肉饭餐，两杯冻柠茶，埋单100蚊唔洗，算系咁。梅菜扣肉饭：类似碟头饭啦，一边𩠌一边饭，呢个做法都几好，起码唔系铺上面，啲汁唔会俾饭索哂，唔洗怕饭太咸。梅菜扣肉味道都算几浓，扣肉有四、五件，个人就钟意啲扣肉半肥瘦兼有皮，呢度合格，又唔会太瘦。梅菜较粗身，唔会好咸，甜甜地，色水都对办，味道唔差。唯一可惜系啲饭…太硬，好似落唔够水咁，我隔硬捞左女朋友碗汤饭啲汤，先哽得落。冻柠茶都有点失手，茶味唔浓，又唔够甜，又唔系酸，唔知点形容。