一郎 (已結業)

主厨系鹿儿岛拜师学得真传之后，旧年新开呢一间主打九州日式拉面。同场有好多BearBrick摆设，欢迎影相同陪食。主要卖四款唔同嘅拉面，分别系白郎君、黑郎君、赤郎君、柴郎君。呢一期仲有期间限定嘅限定君。今期限定君系鲷白汤拉面。拉面用上和歌山真鲷，鱼汤味浓再配上半熟鲷鱼片、慢煮西班牙黑豚叉烧、半只溏心蛋。而且用上吸汤嘅白身幼面。另外仲试咗黑郎君:特制黑蒜拉面，以招牌豚骨汤基底，加上黑蒜油、香口炸蒜。蒜香味十足。面条用上黄身较弹牙嘅面，减低油腻感，亦都有慢煮叉烧同半只蛋，又系另一个好选择。仲有佢地嘅紫薯饼、唐扬鸡、日本汽水一样出色，记得要试埋呀。