鳴虎 (北角匯二期)

营业中

休息中

餐厅：鸣虎地点：北角汇一田超市菜式：日式拉面餐牌：拉面5款，可以追加配菜。丼饭6款，小食8款，汽水，茶。餐厅好易揾，喺正超级市场一边，座位大概有20个。虾味噌猪骨汤拉面 $88呢度招牌猪骨汤汤底，系用大量猪骨熬煮，呢款汤底再加入北海道鲜虾同樱花虾粉。饮一啖汤先，味道唔错唔觉油腻。拉面系幼身面，好有蛋香，质感都唔错。配料有两片圆形切割叉烧，半肥瘦，烧得㶶㶶地，仲有原只糖心蛋，好多爽口黑木耳，大量葱花，同紫菜一片。我钟意黑木耳加拉面既口感。特浓辛口拉面 $98特浓辛口拉面汤底果然呈红色，真系几辣，好香辣，好辣人士必试。面同配料基本上同虾味噌猪骨汤拉面一样，食完个嘴仲系辣辣地。总括而言，拉面同汤底质素唔错。上餐仲跟有一杯室温茶。