彩興來來火鍋 (已結業)

呢几日天气冻冻地同朋友嚟咗呢间火锅店打边炉。一坐低就有九宫格比我地点酱。个锅系凹落个枱度，方便夹嘢食。火锅配料好足，亦有特色锅底拣。叫咗个招牌家乡鸭煲（例），店员会先落蒜头炒炒爆香，再加鸭等材料同少少水，鸭又滑又浓味，好暖胃补身，枝竹吸咗鸭汤精华好味道。等我地食完鸭煲就可以再加汤打边炉。日本黑豚五花腩，嫩薄肥美好快熟。鲩鱼片，卖相吸引，厚薄均匀，够晒鲜甜。打边炉唔少得嘅响玲，同平时食嘅有啲唔同，比较脆口。蟹籽墨鱼滑，爽滑弹牙。最后落埋出前一丁，索晒啲汤汁正呀！一渣薏米桔子水，清凉又清热。两人夹埋670蚊，食到好饱好满足！