白布烏冬 (荔枝角道) (已結業)

本身唔太钟意食乌冬，不过见咁多人排即管试下，佢分汤乌冬同沾乌冬，谂住乌冬本身咁滑挂汤能力成疑，所以点左汤鸭胸乌冬，当然一黎就试汤，有点惊喜，鲣鱼汤咸香带有一阵强烈烤鸭香味，本身钟意食片皮鸭，试过北京大董嘅鸭胸油，一咬先系皮脆，跟住鸭脂肪嘅油香渗出黎，最后松软鸭肉，食完果啖啲香味留晒喺牙缝（一试难忘）！当然呢个鸭肉无咁劲，不过佢烤完啲皮都好香，一咬落去又唔靭，好好食！不过乌冬真系有啲滑，一夹一咬跌几次，食到成眼镜汤汁。唯一系茄子，好似有啲唔太夹（个人喜好，唔钟意食茄子），但整体不错，搭正十二点开门即入，唔驶排队。下次会试沾汤，但啲乌冬真系好滑！