影片
更多
2022-05-04
327 浏览
👍🏻三哥水煮汤老油条鸭血米线 水煮汤一向系重口味人士之选，上次错过咗今次一定要试吓！汤底真系同坊间正宗嘅味道好似，有好香嘅花椒八角味道，叫五小辣先可以舒舒服服咁完成晒成碗，如果唔系应该汗流满面。老油条分开上，咬落就系炸到全干身嘅油炸鬼，超级脆！但完全冇觉得好油，够晒香口，浸落汤又系另一种风味；试完鸭血终于知点解咁多人都想encore，片数几多，食落有返适当嘅爽度，友人本身唔太食鸭血都大赞完全冇臊味，佢本来就带点咸身，加埋水煮汤底简直绝配～👍🏻番茄汤5小辣自选米线朋友一向系鹌鹑蛋忠实粉丝，见到竟然可以做𩠌当然忍唔住叫咗。份量都唔少有五粒，蛋黄味好香；京白叶切成细细块，配搭汤底份外清甜又爽脆，唔会煮到过晒火；油扬口味同原有嘅豆卜料相似，但口感冇咁鞋，外皮更软身，同日式腐皮近似，索晒汤好正！👍🏻蒜辣鸡翼尖辣味十足，蒜同辣度相互配合刚刚好，好有后劲，爱辣之人真系要试下！佢有种手拍青瓜味，大概系因为同样用上三哥秘制红油，再配搭一股新鲜辣椒味道，爽脆香辣，够晒滋味！👍🏻蒜香鸡翼尖友人食唔到辣，但好想食鸡翼尖，所以决定再叫多份。呢碟食落真系好浓蒜香味，仲有种蒜泥白肉嘅感觉，同时间麻油同芝麻味都好出，
水煮汤一向系重口味人士之选，上次错过咗今次一定要试吓！汤底真系同坊间正宗嘅味道好似，有好香嘅花椒八角味道，叫五小辣先可以舒舒服服咁完成晒成碗，如果唔系应该汗流满面。老油条分开上，咬落就系炸到全干身嘅油炸鬼，超级脆！但完全冇觉得好油，够晒香口，浸落汤又系另一种风味；试完鸭血终于知点解咁多人都想encore，片数几多，食落有返适当嘅爽度，友人本身唔太食鸭血都大赞完全冇臊味，佢本来就带点咸身，加埋水煮汤底简直绝配～
👍🏻番茄汤5小辣自选米线
朋友一向系鹌鹑蛋忠实粉丝，见到竟然可以做𩠌当然忍唔住叫咗。份量都唔少有五粒，蛋黄味好香；京白叶切成细细块，配搭汤底份外清甜又爽脆，唔会煮到过晒火；油扬口味同原有嘅豆卜料相似，但口感冇咁鞋，外皮更软身，同日式腐皮近似，索晒汤好正！
👍🏻蒜辣鸡翼尖
辣味十足，蒜同辣度相互配合刚刚好，好有后劲，爱辣之人真系要试下！佢有种手拍青瓜味，大概系因为同样用上三哥秘制红油，再配搭一股新鲜辣椒味道，爽脆香辣，够晒滋味！
👍🏻蒜香鸡翼尖
友人食唔到辣，但好想食鸡翼尖，所以决定再叫多份。呢碟食落真系好浓蒜香味，仲有种蒜泥白肉嘅感觉，同时间麻油同芝麻味都好出，做小食都唔错～以$15黎讲有咁嘅份量都算抵食。
张贴
