十三姨 (白加士街)

营业中

休息中

如果你系鹅肝爱好者一定要试佢嘅老板娘鹅肝煎蛋捞饭😍😍今次系第二次嚟帮衬， 叫咗个老板娘鹅肝煎蛋捞饭+xo 酱鹅肝肠粉。因为近排开始减肥计划，所以尽量想减小饭量，而十三姨就岩晒我啦，佢嘅饭底可以加HKD20 转椰菜花饭。一坐低餐厅会送上虾片作为餐前小食，味道一般，但作为一个免费无加收任何费用嘅小食，都算有诚意。鹅肝煎蛋捞饭上枱啦，有大概三块厚鹅肝，煎蛋同一堆炸干葱蒜等等，食前记得配埋枱上嘅特制豉油，正🤤🤤如果唔系想减小内心罪恶感，绝对会选择返正常白饭，始终白饭吸收油香/豉油香系比椰菜花饭出色🫢鹅肝肠粉亦做得几好，肠粉内大概有5大粒大大嘅鹅肝，大量黄红椒洋葱等，非常之香，而肝嘅油香配系本身唔浓味（肠粉表面有小小xo 酱香味）嘅肠粉都几夹。