極尚大喜屋 (鱷魚恤中心)

营业中

休息中

观塘区除咗有隐世小店之外都有连锁放题店，呢间大喜屋系极尚，食物款式会比普通嘅差少少，环境算阔落而且都几干净，平日晚上到访fully booked，果然香港人都钟意食放题😂 前菜由刺身开始，三文鱼、油甘鱼、带子、甜虾呢啲经典嘢就唔洗多讲啦，新鲜，鲜甜，基本上枱枱都会点，值得一提嘅系有𫠒红鱼同红酒蓝莓鹅肝，前者薄切，入口滑溜，后者味道香醇，口感绵密，一定要点！寿司类都唔错，最钟意系呢度嘅创作料理，鳗鱼玉子汉堡好厚一片，夹住食神奇地match、龙虾沙津樱花虾多士配料满满，咸中带甜，越食越上瘾、鹅肝鸭胸多士又系第一次见，完全唔油腻，而且块多士脆到不得之了，好鬼正😛炸物、天妇罗、串烧、烧物、一品料理就正常发挥，影响深刻嘅有广岛蚝、天妇罗虾、烤金枕头、醉鲍鱼、炒鱿鱼圈，唔够饱嘅都可以叫煮物，有雪花牛肉锅、蟹粉蟹肉粥、猪软骨拉面等，适合多人分享～ 记得要留肚食埋出面自助区嘅食物，有多款熟食、前菜、冷盘、水果、甜品、雪糕等，会不停refill，可以放心食。饮品方面有超多选择，罐装、纸包、生啤等，另外欣赏呢度提供自家制嘅饮品，有齐最近爆hit嘅鸭屎柠、珍奶、榴梿咖啡都系第一次听，又惊又喜，好值得一试！