影片
更多
2021-10-24
2218 浏览
可能身边唔同嘅朋友都话俾你听佢屋企又好，出去食又好，都有一幅幅全部都系膏嘅大闸蟹，但系假设如果唔食大闸蟹，又有乜好食呢。 可能鹰巢知道总会有人未必食大闸蟹，反而出左个小众d嘅奄仔膏蟹龙趸套餐。 $1688四位用，酒店餐厅来讲可以话系几平，仲要唔算难订位，环境又舒服，又唔系啲好偏远地方嘅酒店，去过一次之后，偶然都好想去番呢到，因为总有场合啱食。 记住，呢个餐真系唔系啲乜嘢神级，但系同屋企人唔使谂又要喺酒店坐得好食得唔错，可以选择呢到写下俾大家睇。 金牌叉烧皇拼香葱海蜇头，其实好多酒店嘅叉烧都好出名，呢度唔敢讲话系神级，但系叉烧够厚身，甜度刚好。 入秋冬前食呢个真心得，生拆蟹肉冬茸羹滋润得来啖啖入口都系蟹肉，好正。 爱鱼人必定爱上荷香云腿蒸龙趸球，完全冇骨嘅龙趸球配上荷叶香又真心几好，不过要快啲食，唔系好快就会无哂，个个抢因为个龙趸皮烟韧得不行。 重点系呢个姜葱粉丝奄仔膏蟹煲，𠮶两只奄仔蟹都几大只，而且膏蟹当然有唔少好澎湃嘅膏，但最紧要嘅就系啲姜葱粉丝吸尽两种唔同蟹肉嘅精华，好得，绝对系今晚嘅重点。 食完啲咁浓味嘅嘢，当然要食番清清地，鱼汤鲜虫
可能鹰巢知道总会有人未必食大闸蟹，反而出左个小众d嘅奄仔膏蟹龙趸套餐。
$1688四位用，酒店餐厅来讲可以话系几平，仲要唔算难订位，环境又舒服，又唔系啲好偏远地方嘅酒店，去过一次之后，偶然都好想去番呢到，因为总有场合啱食。 记住，呢个餐真系唔系啲乜嘢神级，但系同屋企人唔使谂又要喺酒店坐得好食得唔错，可以选择呢到写下俾大家睇。
金牌叉烧皇拼香葱海蜇头，其实好多酒店嘅叉烧都好出名，呢度唔敢讲话系神级，但系叉烧够厚身，甜度刚好。
入秋冬前食呢个真心得，生拆蟹肉冬茸羹滋润得来啖啖入口都系蟹肉，好正。
爱鱼人必定爱上荷香云腿蒸龙趸球，完全冇骨嘅龙趸球配上荷叶香又真心几好，不过要快啲食，唔系好快就会无哂，个个抢因为个龙趸皮烟韧得不行。
重点系呢个姜葱粉丝奄仔膏蟹煲，𠮶两只奄仔蟹都几大只，而且膏蟹当然有唔少好澎湃嘅膏，但最紧要嘅就系啲姜葱粉丝吸尽两种唔同蟹肉嘅精华，好得，绝对系今晚嘅重点。
食完啲咁浓味嘅嘢，当然要食番清清地，鱼汤鲜虫草花浸时蔬，特别系虫草，令成件事都健康咗。
唔系好明点解用大澳牛做主角，唔通大澳牛好出名？我不知道，不过个炒饭算炒得唔错，至少你食到镬气，当晚仲要有饮宴，你就知道呢度个厨房都算几有水准。
桃胶八宝茶好多桃胶，而家八宝茶味道原来同佢都几夹。
记得上次去某间五星级嘅酒店，大厨又喺度，但系服务食物水准都唔得，换来嘅feedback 系因为有宴会，或者可能我唔系识得大厨，所以冇特别去睇我餐饭有冇出事，今晚求其食饭，同样撞正饮宴，我求其叫个餐又唔见得特别出事，有时食嘢都真系好讲缘份。
鹰巢 旺角豉油街2号香港旺角希尔顿花园酒店2楼
张贴
