燒肉屋 (清風街)

天后呢啲横街小巷嘅小店非常之值得探店！每一间都好有特色！间间都想试！今日有机会试咗呢间日式烧肉店，店内环境真系非常日式，包括卫生情况，以为自己去咗日本😅😅一到店见到餐牌有个鸟豚75分钟放题，只系$198🤭🤭忍唔住同朋友试咗。烧肉放题仲包括无限refill 嘅前菜，特色饮品一杯，仲有一个饭后甜品😍😍个人认为系好抵食！先讲肉类本身几有质素嘅，尤其钟意食佢个五花肉，肉味香浓，烧出嚟爽口弹牙，鲜嫩多汁。佢个盐烧鸡翼都好好食，调味得恰到好处。佢啲特色饮品都非常之讲究，除咗卖相一流之外味道都系👍🏻👍🏻个人认为与其去一啲连锁烧肉店不如试吓特色小店，真系别有一番风味！