影片
更多
2020-07-09
468 浏览
谈不上系常客, 但一年总会嚟帮衬不下于十次。 食物质素其实一向系中上, 但寻晚被侍应对待的经历真系令我唔想再嚟。原本都唔谂住上嚟嘥时间作文比劣评, 但一睇之下, 原来之前同样有食客话个鸡扒唔熟的问题; 谂左一谂, 呢间野都系唔抵帮, 要上嚟出个劣评警剔下大家先得!话说我点左个鸡扒汉堡, 块鸡扒系几厚下, 成个包的味道系 ok o既, 但食到后段将个包放落碟用刀切开嚟食的时候, 发现开出嚟的鸡扒有一部份系未熟 - 喺佢间舖咁昏暗的灯光之下都明显睇得到旧鸡肉系粉红色。 因为都食到尾有 d 饱, 再加上佢未熟透, 都唔谂住再食啦... 于是揾个冇戴眼镜的侍应姐姐埋嚟同佢反映返个问题, 以下系真实对话, 欢迎店家随时留言对质:我:「唔好意思小姐, 个包块鸡扒好似唔系好熟得透」侍应望左一望之后答:「唔系呀, 正常架块鸡扒~ 我地自己食都系呢个生熟度」我:「会唔会系块扒太厚所以煎得唔够透?」侍应:「客人如果想食熟 d 呢, 可以同我地讲; 如果唔系就会系呢个熟度。 同埋我地 d 鸡扒系用萝卜同唔知乜野一齐腌制 (个姐姐真系同我讲 "唔知乜野"), 所以有呢个颜色系正常」听到呢度, 我己经再冇心力再
原本都唔谂住上嚟嘥时间作文比劣评, 但一睇之下, 原来之前同样有食客话个鸡扒唔熟的问题; 谂左一谂, 呢间野都系唔抵帮, 要上嚟出个劣评警剔下大家先得!
话说我点左个鸡扒汉堡, 块鸡扒系几厚下, 成个包的味道系 ok o既, 但食到后段将个包放落碟用刀切开嚟食的时候, 发现开出嚟的鸡扒有一部份系未熟 - 喺佢间舖咁昏暗的灯光之下都明显睇得到旧鸡肉系粉红色。 因为都食到尾有 d 饱, 再加上佢未熟透, 都唔谂住再食啦... 于是揾个冇戴眼镜的侍应姐姐埋嚟同佢反映返个问题, 以下系真实对话, 欢迎店家随时留言对质:
我:「唔好意思小姐, 个包块鸡扒好似唔系好熟得透」
侍应望左一望之后答:「唔系呀, 正常架块鸡扒~ 我地自己食都系呢个生熟度」
我:「会唔会系块扒太厚所以煎得唔够透?」
侍应:「客人如果想食熟 d 呢, 可以同我地讲; 如果唔系就会系呢个熟度。 同埋我地 d 鸡扒系用萝卜同唔知乜野一齐腌制 (个姐姐真系同我讲 "唔知乜野"), 所以有呢个颜色系正常」
听到呢度, 我己经再冇心力再同佢对答。
好明显见到块鸡扒内层系有明显粉红色, 咁都可以话系冇问题?! 呢块唔系牛肉, 牛肉就算有血我都够胆食。 疫情之下, 面对一块唔熟的鸡扒, W Burger 你地有冇为过客人的健康著想? 另外佢话要客人要求先会煮到熟透? 喂, 我点知你上菜会上一块唔熟的鸡扒比我? 我可以预知未来咁喺落单时叫你煎熟 d? 鸡肉要全熟系常识吧? 同埋萝卜呢, 我只知道有白色同橙红色, 相信就算腌块扒七七四十九日再拎返出嚟都唔会系粉红色 o既!
总括嚟讲, 我唔知系个侍应真系唔识定系佢地真系好似一如佢所讲, 块鸡扒唔熟透系佢地特有的烹调手法; 又或者系间舖根本唔在乎我地呢 d 非熟客吧?
大家如果去呢度想叫鸡扒 burger 的话, 记得要喺落单时指明要全熟, 如果唔系就会好似我咁。
张贴