越中意

营业中

休息中

今日冇乜胃口食唔到啲太heavy既野，想简简单单咁食个粉就联想到越南粉。本身嚟到系想食生牛肉汤河既，不过见到附近有枱客啲猪颈肉、鸡扒好似好靓咁，于是乎我就点左个鸡扒配檬粉。讲一讲个鸡扒啦，嚟到果阵个卖相系争紧少少咁，有啲散，唔知系咪切得唔好啦。但系食落口十分之香，腌得好入味，香料令到东南亚既风味好出，而且鸡肉软绵绵同有肉汁，系唔错既。不过就真系太散，食既时候有啲麻烦。汤檬就正常水平，够热，生洋葱等既配料令到个汤更加好饮。