倫哥尚品火鍋私房菜 (已結業)

成日做野做到饿到癫就会好想食个放题慰藉下自己既受伤心灵，今次我地决定食尖沙咀依间伦哥！形式系无限时放题，但有某啲海鲜同item就无得encore既！首先一坐底就已经有啲冷盘凉拌小食甘，可以食住等鸡煲，有木耳同青豆。之后就有个炖汤，本身我好喜欢饮汤既所以觉得特别窝心！入面仲有啲汤料添！跟住店员仲送上刺身拼盘，都几多款刺身！之后就开始滚个鸡煲啦，要定时甘去搅拌佢架，但店员都好好人会帮我地整，因为搅既过程都会弹油架，所以真系好贴心！好香既鸡煲，我地嗌左中辣，好惹味但吾算好辣啊！鸡肉有啲系几滑的！食食下鸡煲就送上左青口，即食都得架，几鲜味既！食完鸡煲其实仲可以再加鸡的，但我地就想开始打边炉了！叫左个蕃茄薯仔蟹汤，都几鲜甜既汤头！之后就陆续有啲海鲜牛肉同菜之类既配料送上。牛肉既份量都够两人食有多啊，因为仲有好多食物种类，牛颈脊来的所以肉质会来得结实！涮得刚好再食肉质就会嫩啲啦～海鲜款式都多啊，我最爱就系龙趸啦，好滑啊！韮菜饺都好足料！最后仲送上炖奶，面头仲有少少燕窝，好嫩滑所以都秒清啊我地！