滾喜火鍋專門店 (已結業)

我同朋友本身都好钟意食鸡煲，谂住今次就返朋友喺旺角放工就上OpenRice睇吓边间好，见到呢间滚起火锅专门店都几多好评就book呢间试吓。🙃我哋叫咗个麻辣鸡煲，由于唔知有几辣所以都系叫咗小辣试吓先🤭🤭个煲一嚟到啲香味已经传咗过嚟搞到我更加肚饿！辣度同麻度适中，我哋两个都接受到兼好喜欢！！而且啲鸡好少骨最啱我呢啲懒人！😋😋😋食完鸡煲就系火锅喇，个形式好似放题咁有纸比你tick你想食嘅𩠌，我哋加钱叫咗高级安格斯牛，虎虾，西班牙黑豚肉片，澳洲牛舌，牛柏叶，响铃，午餐肉等等，当中最喜欢系个牛肉同埋牛柏叶！我哋两个都食左劲多野饱到上心口！🤦🏾‍♀呢度有竹蔗茅根饮，似系自己煲都几好味，又可以清热消滞，很不错！呢度职员服务都唔错，而且d𩠌黎得都好快，收碟亦都好有效率，值得赞！