臺味冰點餐廳

营业中

休息中

星期六2:30先有下午茶餐，2:00嚟到，叫咗正餐鸡翼米线，冻蜂蜜红茶走冰。想落单，餐厅内九成员工都当睇你唔到，要一段时间先可以成功落单。餐厅除咗汤粉面，仲有焗饭、炒公仔面/意粉/乌冬，同吐司，扒类可以选配西芹/豆角/沙律，种类好多。另外可以配一杯台式或港式饮品，都多选择～米线配有椰菜、粟米粒、葱粒同日式鱼片，米线正正常常，质地粗身，但偏腍，用力少少夹就会全部断晒，比较碎，食起上嚟有少少麻烦。鸡翼有四只，唔会太油，够入味香口，肉唔干身，系好食嘅～蜂蜜红茶，🍯蜂蜜味突出，☕️中和红茶嘅香浓，好饮！饮品唔会偏淡冇茶味。如果本身唔钟意太甜嘅朋友，呢杯正常蜂蜜红茶，可能会偏甜。餐厅枱都算多，星期六暂时唔需要等位。