曜鴻石磨腸粉

营业中

休息中

今日返工好忙啊，所以我叫咗个外卖，为咗令自己唔使食饭时间都要出去餐厅度买，咁就可以多啲时间食吓饭摊唞下，为了食完饭之后继续努力工作。所以我今日叫咗样好西俾自己。我用咗唔同嘅角度去分析一下今次嘅餐饮体验。鸡蛋肉碎肠粉喺初初用个app点餐嘅时候有质疑过呢一个餐够唔够食呢？因为得个肠粉同埋个甜品，但系当你食完成个餐之后发觉系饱到呕嘅最后我系食唔晒。讲返呢一个鸡蛋肉碎肠粉先，味道嚟讲都算唔错，但系因为我叫完之后唔系即刻食嘅关系，所以个肠粉有少少冻，搞到个肠粉皮个质地有啲唔知点咁样样。但系个鸡蛋同肉碎又整得几好味㖞衰鬼。调味方面唔会太咸，亦唔会太油，感觉上食完之后个负担唔系好大，仲有少少健康嘅感觉添。香滑养颜芝麻糊你唔好睇碗芝麻糊好似细细碗，其实好饱，芝麻味唔算好浓，叫做好过冇有碗嘢食吓咁啰。黑豆浆浓郁嘅豆浆味，真材实料，有豆渣，好饮。成个餐加埋$55.20，外卖嚟讲真系相当抵食，希望下次可以热辣辣咁食。