ChirChir Fusion Chicken Factory (已結業)

CHIR CHIR CHICKEN主打韩式炸鸡，食炸鸡梗系要用手食先好食！店舖会贴心咁提供手套，咁就可以豪迈原始地咁用餐！ 豪华炸鸡拼盘分别系薯条 炸虾 炸鸡以及烤鸡，全部都系新鲜出炉，热辣辣嘅炸物点会唔好食呢？虽然全部油炸，但炸得干身又够脆，所以唔会过份油腻。加上有酸酸甜甜既酱汁点下，一盘炸物意外地好快就被秒杀。芝士薯条非常之大碟，幼薯条撒上大量芝士粉同芝士酱，薯仔配搭咸香既芝士同甜甜既蜜糖芥末酱～就算份量好多，呢个芝士薯条惹味又浓郁，芝士控一定啱晒！面包芝士炸鸡一定要趁热食！如果唔系面包会淋哂，口感会争好远！呢个炸鸡相对无咁脆身，炸鸡个酱似咕噜肉只甜酸酱，所以都几开胃。炸弹饭团粒粒都好大粒。饭团外层包住劲多紫菜碎同芝麻粒，饭团加左麻油调味，几样野加埋一齐食绝对系平凡中嘅美味！沙律有芒果，车厘茄、蓝莓、生菜捞埋乳酪酱，可以中和一下味蕾，平衡一下炸鸡嘅油腻感。