漁港艇仔粉 (鴨脷洲大街) (已搬遷) 新店位置

好几次去鸭脷洲都专登去呢间小店食鱼蛋粉,今日都唔例外。例牌叫鱼蛋粉,大地鱼汤底劲重鱼味,又无落味精,仲有d艇仔粉爽滑晶莹剔透,好好味👍鱼蛋鱼片唔洗讲始终如一咁弹牙,真系好味到汤都饮晒,我唔系夸张架,因为汤底至系成碗粉嘅灵魂所在。今日叫多碟灼生菜同埋炸鱼皮。鱼皮够薄又够脆,绝无令人失望。另外,朋友叫左碗猪肉丸河,清清地,原来猪肉九都同样出色。另一位朋友叫四宝河,鱼丸、鱼饺、墨丸同鱼扎都系一样咁好味。话咁快食饱,其待下次再去食至得。