正斗潮州滷水鵝專賣店

营业中

休息中

收收饿饿地揾野食，一出地铁站就见到正斗卤水鹅，见个名咁正斗就试试佢，系门口已经见到有少少人龙，幸好佢只系斩料加𩠌，入到去坐既位置唔多，铺内1/3系开放式厨房。我选择左坐佢既高枱，叫左个鹅片饭 加卤水豆腐，饭黎之前有碗例汤先送上，汤有红萝白，蕃茄，饮到应该有D章鱼干调味，味道非常不错，饮完好开胃😋。鹅片饭比我想像中大碟，碟边配少少配菜，令成个饭口感更丰富，鹅片加少少醋，令鹅片既鹅味更鲜明，鹅片去骨啖啖肉，肉质结实有咬口。呢餐总共$50，我感觉非常满意。另外我留意到，系我入铺食饭到埋单呢段时间，都keep住有人外卖斩料，可想而知卤水鹅真系不得了👍🏻👍🏻