影片
更多
2023-06-28
746 浏览
📌 鹅颈桥四季火锅 - 铜锣湾谢斐道414-424号中望商业中心地下1-2号舖🗓(28/6) 星期三 ⏰ 晚上6:30左右 💈特式：呢间火锅餐厅主打70~80年代老香港🇭🇰怀旧风格，由装修布置>酱料车>餐单>餐具>气氛>音乐等等，都做到玩味十足，当中亦有好多打卡位，好适合我呢个差唔多年代嘅人，因为餐厅播嘅每首歌我都识🥺。🥩🍔🌭🌮🥗🥯🥘🍲🍝🍣🥟🍤🍱食物：餐单做到好似份报纸咁，而且食物种类真系太多，睇到我眼花撩乱，不过好彩见到佢到有个中锅(2人份量)套餐，啱晒有选择困难症嘅我，而家等我同大家讲下🇭🇰🍲味道先。怀旧生锅 中锅(2人份量) $780 - 呢个套餐已经包左汤底，再总共有18种海鲜及火锅配料，随餐仲会送一支酸梅汤或竹蔗茅根水。酱料 - 点解要特登提到酱料，因为佢地会用细个系酒楼先会见到嘅点心手推车，推d酱料去比你用，见到架点心车个一刻，d儿时饮茶回忆即刻涌晒出嚟。汤底 - 有香浓沙嗲/芫茜皮蛋/豆腐什菌清汤选择，仲可以拣鸳鸯都唔洗特登加钱，我就拣左我最钟意嘅沙嗲汤，佢地系用怀旧款浅身锅做器皿，汤底好香，味道好浓郁，而且入面有好多花生粒同
🗓(28/6) 星期三 ⏰ 晚上6:30左右
💈特式：呢间火锅餐厅主打70~80年代老香港🇭🇰怀旧风格，由装修布置>酱料车>餐单>餐具>气氛>音乐等等，都做到玩味十足，当中亦有好多打卡位，好适合我呢个差唔多年代嘅人，因为餐厅播嘅每首歌我都识🥺。
🥩🍔🌭🌮🥗🥯🥘🍲🍝🍣🥟🍤🍱
食物：餐单做到好似份报纸咁，而且食物种类真系太多，睇到我眼花撩乱，不过好彩见到佢到有个中锅(2人份量)套餐，啱晒有选择困难症嘅我，而家等我同大家讲下🇭🇰🍲味道先。
怀旧生锅 中锅(2人份量) $780 - 呢个套餐已经包左汤底，再总共有18种海鲜及火锅配料，随餐仲会送一支酸梅汤或竹蔗茅根水。
酱料 - 点解要特登提到酱料，因为佢地会用细个系酒楼先会见到嘅点心手推车，推d酱料去比你用，见到架点心车个一刻，d儿时饮茶回忆即刻涌晒出嚟。
汤底 - 有香浓沙嗲/芫茜皮蛋/豆腐什菌清汤选择，仲可以拣鸳鸯都唔洗特登加钱，我就拣左我最钟意嘅沙嗲汤，佢地系用怀旧款浅身锅做器皿，汤底好香，味道好浓郁，而且入面有好多花生粒同樱花虾，我觉得咁样令到个汤底更好味，所以个汤底我十分满意。
海鲜/火锅配料 - 总数有18款咁多，包括潮汕手切肥牛/手切牛颈脊/本地手切牛胸油/豚肉片/纸豆腐/潮汕牛丸/振兴浓汁贡丸/自家制云吞/鲜猪什/脆肉鲩鱼骨腩&片/大沙白/海虾/花枝片/鲍鱼/鸡蛋/稻庭乌冬/什菜/即炸响铃。
当中我觉得最特别就系纸豆腐，薄到好似纸咁嘅豆腐皮，放系一个好传统古老嘅铁杯入面，渌完之后食落感觉就少少似腐竹；海鲜方面都好新鲜，鲍鱼同虾上枱仲识郁下郁下，同埋好鲜味爽口，沙白又大粒又无沙；丸类质素亦好好，仲有我钟意食嘅振兴贡丸；响铃就真系即炸，而且好长好大条。
☕️🍵🥤🧋🍺🍷🥃🍹🧉🍾🍶🥛
饮品 : 跟餐我地就拣左酸梅汤，味道比出面一般火锅店好饮，似系自家制唔似系外购野，饮落生津润喉又解腻。
🍽环境：呢间餐厅嘅环境我真系比佢满分，首先咁怀旧嘅香港风格已经系好多香港人嘅集体回忆，加上佢精心嘅装修布置，仲有一d唔起眼位都做得相当有心思，影相打卡一流。
🤵🏻🤵🏻♀️🤵🏻♂️服务：职员态度好nice，会同客人友善地吹吓水，同向客人介绍餐厅特式及时令海鲜，menu上有咩食材已售罄等等，亦有不时有帮忙留意个锅底有无需要加汤同调较合适火力。
💰💸价钱：成个套餐就$780蚊，加埋餐前小食同酱料费每位$20，计埋加一埋单就大约$900，但佢提供到咁嘅怀旧环境/味道/食物质素，而且个餐系饱到两个成年人都食唔晒，所以都叫做比较合理，我谂应该会再次带朋友嚟帮衬。
🐲💬总结：因为我都算上左年纪😭，见到呢间餐厅嘅怀旧气氛，都会勾起我好多儿时回忆，同朋友食下/倾下，讲下以前细个嘅往事咁又过左一晚，所以有时一间餐厅，除咗野食要好食之外，餐厅嘅环境同布置都相当重要，所以今餐饭我同朋友都十分满意。
推荐指数：❤️❤️❤️❤️❤️
怀旧生锅 中锅(2人份量)
$780
22 浏览
0 赞好
0 留言
怀旧生锅 中锅(2人份量)
$780
23 浏览
0 赞好
0 留言
怀旧生锅 中锅(2人份量)
$780
15 浏览
0 赞好
0 留言
怀旧生锅 中锅(2人份量)
$780
14 浏览
0 赞好
0 留言
纸豆腐
20 浏览
0 赞好
0 留言
张贴
