日日香鵝肉飯店 (和富中心) (已結業)

日日香鹅肉饭店，心血来潮想食鹅但又唔想去太远，公司附近有一间几正宗既潮州卤水，放工同家人食左个二人餐。个餐包左: 招牌鹅肉，卤汁时蔬，茶树菇鹅汤(2盅)，两碗客饭，小食拼盘自选两款(猪耳、猪手)招牌鹅肉好美味，一啲都唔油腻，厚薄适中，肉质滑有油水，唔会干同鞋口。小食选左猪耳同猪手，虽然话系小食但份量比想像中多，猪耳系超级爽!!索索声! 猪手啖啖肉，唔腻亦唔漏，送饭一流。仲有配菜豆卜，浸左卤水汁食真系好入味开胃。菜有几款，我地叫左卤汁芥兰，餐厅系用芥兰苗，新鲜嫩口又整得好淋好易入口，系街都好似食到家常潮州菜咁呀!茶树菇鹅汤，火喉好够，好浓味又足料，饮落仲好清甜，并唔系普普通通既例汤。黎到既话真系试汤好过饮饮品。不过因为汤太快饮完，我地最后都叫左一人一杯饮品，慢慢享受个卤水大餐。