影片
更多
2020-12-14
2071 浏览
自从前两日食咗梳乎厘pancake之后，呢几日一路都好想再食pancake。但又好似冇理由隔两日又食多次同一间，所以今日就嚟咗呢间好出名食pancake嘅Gram Cafe & Pancakes到食pancake啦。我地拣咗两款pancake，一款系姜汁栗子，一款系杂果朱古力pancake。姜汁栗子 $108呢款系期间限定款，佢写明系秋冬之选。一谂起听朝就开始转凉，依家食定个秋冬之选嘅pancake好似几好。Pancake外围比满满嘅栗子蓉包围着，仲有一粒粒嘅栗子碎。一切开中间，会见到有两块厚厚嘅pancake，中间夹住少少朱古力酱。店员建议我哋一开始唔落糖浆同埋唔落姜汁咁样试一试先。一食落去有浓浓嘅栗子味，二好特别嘅系pancake有少少咸味，而呢种咸味同甜味竟然出乎意料地夹，融合得啱啱好，好正。成个pancake唔会太甜，好啱我食。再试一试落埋个姜汁，个姜汁系呈奶白色嘅，应该都落咗啲奶。本身担心个姜汁会好甜，点知原来个姜汁系完全唔甜嘅，但就有浓浓嘅姜味，不过姜嘅辣味就只有少少辣，所以唔会太呛喉。我觉得呢个姜汁好正，所以一次过倒晒所有姜汁落去啲pancake度，姜汁加埋栗子蓉同埋啲咸
我地拣咗两款pancake，一款系姜汁栗子，一款系杂果朱古力pancake。
姜汁栗子 $108
呢款系期间限定款，佢写明系秋冬之选。一谂起听朝就开始转凉，依家食定个秋冬之选嘅pancake好似几好。
Pancake外围比满满嘅栗子蓉包围着，仲有一粒粒嘅栗子碎。一切开中间，会见到有两块厚厚嘅pancake，中间夹住少少朱古力酱。
店员建议我哋一开始唔落糖浆同埋唔落姜汁咁样试一试先。一食落去有浓浓嘅栗子味，二好特别嘅系pancake有少少咸味，而呢种咸味同甜味竟然出乎意料地夹，融合得啱啱好，好正。成个pancake唔会太甜，好啱我食。
再试一试落埋个姜汁，个姜汁系呈奶白色嘅，应该都落咗啲奶。本身担心个姜汁会好甜，点知原来个姜汁系完全唔甜嘅，但就有浓浓嘅姜味，不过姜嘅辣味就只有少少辣，所以唔会太呛喉。我觉得呢个姜汁好正，所以一次过倒晒所有姜汁落去啲pancake度，姜汁加埋栗子蓉同埋啲咸咸甜甜嘅pancake，成个味道好丰富，大满足。
姜汁栗子pancake
$108
103 浏览
0 赞好
0 留言
杂果朱古力pancake $108
呢个嘅卖相好靓，有三块相对薄少少嘅pancake，上面满布五颜六色嘅水果，包括奇异果、士多啤梨、蓝莓，仲有橙添。仲有少少朱古力酱，又唔会过多。隔离有一大堆cream可以自己加。
呢个pancake嘅口感比起个姜汁栗子嘅厚pancake，会相对厚实啲，都系好好食嘅。同样地，都系甜味之中夹杂少少咸味，而呢个咸味都系调味得刚刚好，绝对唔会令人反感。
试一啖cream，个cream好浓郁，充满奶味。同样地，个cream本身系唔甜嘅，所以可以放心咁搽落去块pancake到。因为个cream好好味，所以我系厚厚咁样搽上啲pancake度，块pancake同啲cream配合得相当之好，好好味。
杂果朱古力pancake
$108
33 浏览
0 赞好
0 留言
虽然呢度嘅pancake唔平，不过真系好好味，我应该都会再嚟嘅。
临走前发现佢有set lunch嘅Menu，系一至五嘅lunch time供应嘅，见到佢好抵， $58都有汤、甜品、饮品同埋一个pasta，等我下次都试吓先。
张贴
