漢年茶餐廳

营业中

休息中

饮唔到咖啡，不经不觉又到了午饭时间，间间食肆或多或少都有人龙在外面等候。前面不远有间旧旧哋嘅茶记，只得有一个人等位，𠮶肚又开始打鼓🥁咁我就跟著排队好快就有位了。坐低周围望吓，每台最少都有一位系食鸡饭，再打开餐牌先知道呢度嘅招牌菜系盐焗鸡饭 ，所以立即叫一个试吓。果然名不虚传 👍🏼，鸡胸肉唔算瘦，而且又唔鞋，仲有少少juice ，最重要系鸡皮下面冇咗𠮶层水晶肥膏，可以放胆食埋块鸡皮 ☺️ 虽然鸡皮同鸡肉已经入哂味，佢哋仲会另上一碟沙姜酱，正呀 😋l后来见到隔离枱碟椒盐猪扒饭及盐焗鸡饭炒底都好鬼正。椒盐猪扒有四，五块曡起成座山咁高，而且D椒盐味好香，一阵阵咁飘过嚟。鸡饭D炒饭底粒粒金黄色，远望成碟都炒得好均匀，师傅D手势都几好㖞！估唔到乱打乱撞竟然系大围食到一个咁正嘅鸡饭，一定要揾日再嚟试吓其他嘢。