哈豆

营业中

休息中

系观塘人都知，附近工厦真系好多特色野食。例如位于巧明街上的台湾野，响呢区都算出名。逢甲盐酥鸡 $32每次都会点，好味！炸得够干身，唔油腻，表面有点点椒盐调味，内里又够 juicy ，热辣辣好惹味，就算爆疮都忍唔住，唔理 lu 好香好酥脆五宝什锦酱干拌面 $65望落全碟都系𩠌，有花枝丸、贡丸、豆腐、鸡翼、台湾肠、卤蛋同生菜，仲有肉碎，每款少少，加加埋埋都颇丰盛。面底烟烟韧韧，有麻酱同辣酱可以拌面。捞起先食，令人谂起久违了的港式猪肠粉，唔知系俾辣到还是感动了，眼角竟然有少少泪光⋯⋯落望份量唔算太多，不过捞左麻酱会漏DD，所以其实呢个 portion 啱啱好！三彩水饺汤面 $62有成六只饺子，满满一大碗面，仲有半只卤蛋同生菜，认真大阵象。三彩饺子有白色原味 ，黄色粟米味，绿色韮菜味，每款两只。饺子皮做得几好，有韧劲唔易穿。而三款味道当中我觉得粟米味最正，够香甜。哈豆鲜果茶 $39见到 menu , 俾佢吸引左。实物都冇令人失望，好多生果而且味道够浓。清甜中又带点酸，系热情果的味道，有惊喜。拿铁 $32朋友话估唔到，呢间台式小店既咖啡都几得㖞，啡同奶的比例控制得宜，咖啡又够香。