影片
更多
2024-02-01
306 浏览
帮衬过鸣门十胜起码有十次，有堂食有外卖。外卖上次落单系1月29，今次系2月1。唔知有无下次。个菜单未cut玉子烧前已经有帮衬。今次叫咗份芝心汉堡拼盐酥鸡翼，一睇个盒已经系俾少咗盐酥鸡翼，同客服讲翻，客服话商家坚持放咗鸡翼。最后外卖平台自己揞荷包赔偿俾我。我无谓同客服讨论鸡唔鸡翼，晒客服工作时间，亦都唔系客服问题，直接留名评价算。唔知系商家讲大话定有边个食咗，定系份鸡翼系自己识飞。反正对我嚟讲，盐酥鸡翼系从来无出现过。单罗生门读者自己斟酌。真实食评：堂食有两间房，两间都好细。放学放假时间劲多小朋友，唔中意细佬嘈可以自己外卖攞走开心啲。可以打电话讲定食乜，到咗俾钱。鸣门个蛋包饭系半包式，只系得表面有蛋，底系无，好多酱，好多饭，想食要加钱。吉猪好硬好干。和风牛肉有时好多水。章鱼小丸子普通嘢，度度一样。炸虾好食，芝士汉堡值得一试。盐酥鸡翼我唔知好唔好食，无出现过，读者想食自己去嗌，系我无运啫，我都衷心希望你份鸡翼系会出现。我一向觉得系白田呢啲荒芜之地可以食到蛋包饭日本嘢已经好好，鸣门做到俾区内人多一个选择，唔洗日日茶餐厅车仔面，佢贵啲平啲好唔好食根本无所谓，无乜要求。忙中有错都可以理解。但系鸣
个菜单未cut玉子烧前已经有帮衬。今次叫咗份芝心汉堡拼盐酥鸡翼，一睇个盒已经系俾少咗盐酥鸡翼，同客服讲翻，客服话商家坚持放咗鸡翼。最后外卖平台自己揞荷包赔偿俾我。
我无谓同客服讨论鸡唔鸡翼，晒客服工作时间，亦都唔系客服问题，直接留名评价算。唔知系商家讲大话定有边个食咗，定系份鸡翼系自己识飞。反正对我嚟讲，盐酥鸡翼系从来无出现过。单罗生门读者自己斟酌。
真实食评：堂食有两间房，两间都好细。放学放假时间劲多小朋友，唔中意细佬嘈可以自己外卖攞走开心啲。可以打电话讲定食乜，到咗俾钱。鸣门个蛋包饭系半包式，只系得表面有蛋，底系无，好多酱，好多饭，想食要加钱。吉猪好硬好干。和风牛肉有时好多水。章鱼小丸子普通嘢，度度一样。炸虾好食，芝士汉堡值得一试。盐酥鸡翼我唔知好唔好食，无出现过，读者想食自己去嗌，系我无运啫，我都衷心希望你份鸡翼系会出现。
我一向觉得系白田呢啲荒芜之地可以食到蛋包饭日本嘢已经好好，鸣门做到俾区内人多一个选择，唔洗日日茶餐厅车仔面，佢贵啲平啲好唔好食根本无所谓，无乜要求。忙中有错都可以理解。但系鸣门既然坚持自己系冇错，无俾少既话，我惟有拎起支笔捍卫番我嘅人格利益。愿供各位看众参详。
张贴
