Niku Niku (已結業)

今晚约朋友黎大坑呢间高级日式烧肉店食晚餐。呢度门口好有型啊全黑。呢度师傅系日本人，卖既牛都系高级鹿儿岛和牛，系可以生食架，所以今晚都系烧到三成熟就已经食得。<和风生牛肉片>（$150）呢个份量都几大，每块都几厚，有半厘米厚。调味系酸酸地再加上葱头，好惹味，加上有啲筋，所以都好有咬口，口感就几似鲷鱼。<和牛烧肉盛合>（$540）呢个盛合有三款牛，每款两片，岩晒两个人分享。分别有牛柳中部、西冷、牛小排。牛柳口感软，脂肪就无咁高。西冷脂肪含量高啲所以感觉牛味更出。牛小排就达至入口即溶境界，超正！<蔬菜拼盘>（$60）呢个几抵食，有多款蔬菜，食极都有。呢度好在有经验老道既侍应帮手烧，令每款厚度不一既蔬菜都烧到啱啱好。<日本赤鸡腿肉>（$110）有四件，鸡腿肉够晒嫩滑。要烧得好真系好考功夫架，因为鸡肉唔系好似牛咁平一块。<白饭>（$30/个）系日本珍珠米，好正好有米香，份量都几大碗架。呢度价格唔平，但胜在食物高质，服务亦好有日本既水准。