影片
更多
2022-12-12
140 浏览
餐厅：Grill Tajimaya (湾仔)地址：湾仔港湾道30号新鸿基中心2楼2A-1号舖每次行经湾仔运动场又或者去湾仔码头坐船返尖沙咀，都总会经过有好多食肆喺附近嘅新鸿基中心，钟意呢度因为外国人特别多，有少少去咗外国嘅感觉🤓。临近圣诞，又唔想喺圣诞节同人逼，加上到时基本上间间餐厅都会full booking咁济，所以决定提早食餐好嘅过冬同预先迎接圣诞节嘅嚟临🎄 今次去咗呢间由日本老板开嘅西日式餐厅——Grill Tajimaya @grill_tajimaya ，佢哋喺日本设有自家农场🐃，主打100%日本鹿儿岛产黑毛和牛汉堡牛同牛扒，加上大部分食材都喺由日本到港🇯🇵，食物质素同口碑特别好⭐️。餐厅空间感都几大，一入门口就有一个高透明度嘅开放式厨房，以一块玻璃同客人相隔，大厨点样烹调食物、制作过程都一清二楚😌。座位相当阔落，坐得舒服又唔使同隔离位逼，红砖墙同灰、啡、木色嘅装修摆设仲带嚟一种复古工业风格由2021年开业至今超过两年，餐厅都喺第一次设计呢个Winter Celebration Dinner Set($1499 for 2 pax)，希望可以比食客品尝到餐厅最出色嘅西日料理🤤
地址：湾仔港湾道30号新鸿基中心2楼2A-1号舖
每次行经湾仔运动场又或者去湾仔码头坐船返尖沙咀，都总会经过有好多食肆喺附近嘅新鸿基中心，钟意呢度因为外国人特别多，有少少去咗外国嘅感觉🤓。临近圣诞，又唔想喺圣诞节同人逼，加上到时基本上间间餐厅都会full booking咁济，所以决定提早食餐好嘅过冬同预先迎接圣诞节嘅嚟临🎄
今次去咗呢间由日本老板开嘅西日式餐厅——Grill Tajimaya @grill_tajimaya ，佢哋喺日本设有自家农场🐃，主打100%日本鹿儿岛产黑毛和牛汉堡牛同牛扒，加上大部分食材都喺由日本到港🇯🇵，食物质素同口碑特别好⭐️。
餐厅空间感都几大，一入门口就有一个高透明度嘅开放式厨房，以一块玻璃同客人相隔，大厨点样烹调食物、制作过程都一清二楚😌。座位相当阔落，坐得舒服又唔使同隔离位逼，红砖墙同灰、啡、木色嘅装修摆设仲带嚟一种复古工业风格
由2021年开业至今超过两年，餐厅都喺第一次设计呢个Winter Celebration Dinner Set($1499 for 2 pax)，希望可以比食客品尝到餐厅最出色嘅西日料理🤤，而我亦都喺因为呢个Dinner Set专程过嚟试试佢哋嘅黑毛和牛😍。呢个Set包括6样嘢：沙律🥗、汤品、意粉🍝、主菜、甜品同饮品☕️，
我就先叫返杯红酒清清口腔再开始今晚嘅盛宴🍷
✝️蟹肉蟹籽沙律 Crab Meat & Crab Roe Salad
以蟹肉碎同蟹籽做主菜，配以柚子油醋汁加入新鲜蔬菜当中嘅沙律🥗，除咗蟹嘅鲜味🦀️，更多嘅喺酸酸甜甜开胃嘅滋味
✝️香煎带子南瓜汤 Pumpkin Soup w/ Grilled Scallop
当香煎过嘅刺身级北海道带子配上浓郁清甜嘅南瓜忌廉汤，以清新南瓜香衬托起爽甜嫩口嘅带子肉，望落就好似橙海中嘅珍宝珠一样🎃
✝️三文鱼味噌鱼籽意粉 Miso Cream Sauce Pasta w/ Salmon & Ikura
忌廉意粉一向俾人感觉食完好滞，餐厅配埋菠菜、三文鱼粒同爆酱嘅鲜鱼籽，鱼籽就充分咁发挥解滞嘅作用，令意粉嘅鲜味double up⬆️
✝️日本产黑毛和牛牛柳扒 Japanese Wagyu Fillet Steak (主菜三选二)
厚切嘅鹿儿岛黑毛和牛牛柳扒🥩，经过低温慢煮至五成熟🔥，呈现出外层烧烤过、内层鲜红吸引嘅卖相，
牛柳喺牛肉入面最柔软细嫩嘅部位，脂肪少而瘦肉多，食起上嚟唔多筋同脂肪，啖啖都喺肉，肉汁唔算多但喺肉味好香浓😋，配上芥末、Wasabi或者烧汁一齐食就更凸显出和牛嘅肉质鲜味，真心好食👍
✝️香煎比目鱼配西西里鱼汤 Grilled Flounder w/ Sicilian Fish Soup (主菜三选二)
肉嫩皮脆嘅比目鱼🐟，加入义大利嘅西西里鱼汤当中，配以洋葱🧅、蕃茄🍅、橄榄🫒、茴香等香料调味，一味二食。
就咁食就食到比目鱼本身独特嘅鱼鲜香味，连埋鱼汤一齐食就好似饮紧劲足料嘅鲜鱼高汤，最重要鱼肉一啲都唔腥唔嚡，相当有心思同落足心机去整💕
✝️面包布甸伴云呢拿雪糕 Bread Pudding w/ Vanilla Ice Cream
最后嘅甜品喺餐厅自家制嘅，烘烤到外层厚脆、内层松软嘅面包布甸，配上自制幼滑嘅云呢拿雪糕🍨，最后洒上杏仁片，夹埋一齐食，𠮶种温度、味道同质感上嘅对比实在令人忍唔住食完一啖又一啖😆
值得一题呢到啲侍应服务几周到而且好nice，细心有耐性仲好talk得，加分加分❣️
张贴
