影片
更多
2023-01-31
79 浏览
希鸟 KICHO 香港，系海外首间分店，餐厅选用日本鹿儿岛黑萨摩鸡，再用备长炭火烧烤，等客人可以体验正宗日式鸟割烹料理！见佢地晚餐分咗 2 Round —— 6 点同 8 点 30，见暂时得晚市，要嚟食就记得早啲打嚟订位！我见 Bar 枱隔离仲有间独立房，好似都坐到十人到，可以 book 嚟同 friend 兴祝生日！个晚我地订咗 6 点，最好准时到，因为要等埋其他同时段客人一齐开始！仲嗌咗佢自家嘅 House Sake（店员话配合佢地既菜式食一流），又几清甜带少少果香味！饮唔哂仲可以带走添！讲到菜式方面，会因应时令同季节而转，不过我都想同大家分享个晚食咗啲咩美食！第 1 道菜喺鸡汤嚟，入面有用鸡肉整嘅 ball！第一啖饮落去个鸡汤好清甜，上面有少少油，但一啲都唔腻！之后嘅 Yakitori 都烧得啱啱好，香得嚟又多汁，每次都会分原味同配搭不同酱汁，等你可以试哂2种味道！当中有个半熟鸡肉加三文鱼子手卷，店员建议一啖食哂佢半熟鸡肉都系我第一次食，本身仲好惊会好腥有少少唔敢食，点知食落去个质感同我想像中一啲都唔同，就好似食紧三文鱼刺身咁带点烟靭嘅口感。食到咁上下上咗个好似甜品嘅菜式 原来系
见佢地晚餐分咗 2 Round —— 6 点同 8 点 30，见暂时得晚市，要嚟食就记得早啲打嚟订位！我见 Bar 枱隔离仲有间独立房，好似都坐到十人到，可以 book 嚟同 friend 兴祝生日！
个晚我地订咗 6 点，最好准时到，因为要等埋其他同时段客人一齐开始！仲嗌咗佢自家嘅 House Sake（店员话配合佢地既菜式食一流），又几清甜带少少果香味！饮唔哂仲可以带走添！
讲到菜式方面，会因应时令同季节而转，不过我都想同大家分享个晚食咗啲咩美食！
第 1 道菜喺鸡汤嚟，入面有用鸡肉整嘅 ball！
第一啖饮落去个鸡汤好清甜，上面有少少油，但一啲都唔腻！之后嘅 Yakitori 都烧得啱啱好，香得嚟又多汁，每次都会分原味同配搭不同酱汁，等你可以试哂2种味道！
当中有个半熟鸡肉加三文鱼子手卷，店员建议一啖食哂佢
半熟鸡肉都系我第一次食，本身仲好惊会好腥有少少唔敢食，点知食落去个质感同我想像中一啲都唔同，就好似食紧三文鱼刺身咁带点烟靭嘅口感。食到咁上下上咗个好似甜品嘅菜式 原来系一旧好似面根嘅野，有竹炭同南瓜嘅味道，加埋自家整嘅 Chicken Miso ，又甜又咸味道好新鲜。
下一道先真系甜品嚟，同甜酒和柚子做嘅沙冰嚟解下腻，先继续下一道菜，好细心！
最后可以选鸡汤拉面或者黑松露鸡饭(+$100)，难得嚟到食，当然两个都要一试啦！
鸡汤拉面嘅汤汁好浓郁，啲面可以完成地挂哂汤！而个黑松露鸡饭，将啲鸡肉打碎哂，加埋啲黑松露，好值得加钱食佢！当然要用甜品做结尾，2 块饼中间包住栗子酱加海盐雪糕，可以夹嚟食或者分开食都可以，因为太多栗子酱，要食咁啲先，先可以夹埋一齐食！
仲有个好似蛋壳嘅容器，系黑芝麻布丁，布丁底部有层浓浓嘅芝麻糊，唔中意食黑芝麻嘅我都觉得好好食！不得不说呢餐真系大开眼界，平时好少食到嘅鸡部位，今次一次过食哂，当中鸡冠、鸡脖肉、鸡尾巴都令我好惊讶，原来可以咁好食！
张贴
