OXY CHEUNG CHAU

营业中

休息中

同老公一早入咗长洲行吓下，去完小长城之后，我哋系东湾路见到一间cafe门口几吸引入咗去试吓🥰。店内摆放左好多鹿角蕨🌿，系一间以鹿角蕨为主题的Coffee shop ，呢度好特别系一张枱都冇架，可以拎住杯啡/ 食物一边食一边欣赏下D植物。我哋叫咗2 款咖啡都系佢哋嘅signature 🤎陈皮咖啡🤎店主好细心讲定比我地知，陈皮咖啡唔需要饮管也不用搅匀，等30 秒后陈皮粉沉淀，就可以直接饮，饮到个层次感丰富，陈皮味几出，同tonic几夹，有种清新感觉，果然系招牌。🤎蜜渍柠啡🤎用咗佢地自家制的蜜渍柠檬，估唔到呢个柠啡酸酸甜甜咁几好饮。💛芝士蛋手抓饼- 肉松、磨菇 、沙律酱💛💛芝士蛋手抓饼- 粟米、磨菇 、蛋黄酱💛呢个手抓饼比想像中出色，个饼皮煎到好酥脆，一拎上手热辣辣，本身个手抓饼已经包咗芝士同埋蛋，其他馅料可以自选另加，酱汁也可以选。D馅料好丰富，估唔到呢度除咗咖啡个手抓饼都好有惊喜。💚S’mores Cookie 🍪-Chocolate/Matcha💚Cookie 咬落去口感微脆，中间棉花糖软化后系有少少似麻薯咁烟靭感觉带点甜，第一次试觉得很特别。