鹿鳴春飯店 (已結業)

旧式京菜饭店，真系买少见少，松竹楼，冇咗！新洪祥兴，冇埋！今时今日企得最硬净嘅，得返【鹿鸣春】成日都想去【鹿鸣春】，但打去订位，答案永远都系爆晒啦！上星期唔知行咩运，居然话有位，我直情激动到眼湿湿，含住泪咁同佢讲…十一位吖，唔该！当晚一坐低，唔理三九廿七，先整个杂锦拼盘，跟住先慢慢打开餐牌check it out……北京填鸭锅烧肘子盐爆管廷宫保虾球松鼠鱼鸭松生菜包沙锅云吞鸡京烧羊排通通叫晒！个杂锦拼盘一上枱…哗！成个化宝盘咁大，净系气势都赢哂！跟住嚟个StarWar云吞鸡…哗！又系成个金塔咁大，饮极都仲有！盐爆管廷，而家好多地方都食唔到，爽得嚟又冇「压」味！锅烧肘子，肥美…入味！京烧羊排，其实我麻麻地羊，但烧到酥软甘香，我都队咗两件！其他𩠌菜都有返咁上下水准……就系除咗只北京填鸭！皮唔脆！又瘦！肉又实！以d肉嘅坚韧程度，我断定只填鸭系California会员，仲起码做过半年以上Gym！唉……本来好地地嘅一餐，就俾只California填鸭破坏晒！