容記小菜王 (已易手)

落船后专程由尖咀搭车去食日本野，竟要话要等成个钟先有位，大家便决定转移阵地，同行个fd话呢度d小菜唔错，唔驶等位我当然手举话好啦。虽然话唔驶等，好彩早到一步，迟多步都要等，原来咁旺场。推介系烧猪腩肉，当然第一时间落单啦，真系唔错㖞，皮脆肉，肉与肉之间仲有d软骨，好有咬口。咸鱼茸肉饼-好有咸鱼香味，唔算太咸，煎得好香口，虽然话系肉饼，但食晒成旧都唔觉好溜。沙拉骨-猪扒好化松化入味，可惜猪扒切得较薄。铁板烧茄子-钖纸包住原条长茄子用铁板上够特别，不似传统的制法d茄子熟后变了一pat pat，我不好茄子都试了一旧。虽然晏昼时已系蒲台岛食过咕噜肉，点都要叫多次比较下质素。浆粉唔多炸得香脆，只差d甜酸汁唔太够味，但都唔够中午个间好食。鸡煲-味道好浓，尤其是猪润同冬菇仲好食入味鸡蛋焗鱼肠-鱼肠虽多，但蛋味唔够。清炒西兰花同金银蛋波菜都ok。另外，再叫了三煲排骨煲仔饭，饭味够香，不过饭身较谂，不太干爽，不过收10蚊一煲都唔好要求咁高。6个人食了9碟小菜3个煲仔饭，每人都系$8x，除了好抵食之外，食物质素仲系水准之上tim，只差在地方麻麻。p.s.蒲台岛个间明记海鲜，炒d 咕噜肉好掂，真系估唔到。