影片
更多
2018-08-06
1261 浏览
九龙站，其实都喺返放工偶尔会经过嘅地铁站之一，但圆坊，却总喺好少会考虑揾食嘅商场之一，无咩特别嘅原因，只喺少一份惯性而已。查实比起去东九龙𠮶边，圆坊对我嚟讲就更加就脚，但奇怪，感觉总喺觉得佢有少少莫名嘅隔涉。是夜，打破呢份隔涉感，与老朋友相约到「McSorley's Brewhouse & Grill」聚一聚。步出港铁，再转上另一组扶手电梯，就轻易到达圆坊上嘅演荟广场，偌大嘅广场，但抬头一望，感觉就喺四围都被高楼包围住晒，可能就喺呢样令我唔多想过嚟圆坊。McSorley's Brewhouse & Grill门面唔大，仲有啲低调嘅感觉，但其实内里环境颇大。餐厅占两层楼，地下喺酒吧区，走轻松路线，楼上则喺用餐区（当然，亦设立少少单单饮酒嘅位置），走情调路线，故晌度用餐气氛一流，然而，却又唔会太拘谨。用餐区较后方嘅位置，更喺设有天幕玻璃，可能近日午间阳光太猛，亦被拉起幕帘遮晒，但被安排坐晌近窗一边嘅卡位，位置阔落，全面都喺落地大玻璃，楼底又高，开扬舒服，感觉更悠闲。由地下上一楼之时，晌楼梯见到大大只霓虹灯写住「eat · drink · relax」，正正可能就喺餐厅想客人嚟到嘅感觉。所以
步出港铁，再转上另一组扶手电梯，就轻易到达圆坊上嘅演荟广场，偌大嘅广场，但抬头一望，感觉就喺四围都被高楼包围住晒，可能就喺呢样令我唔多想过嚟圆坊。
McSorley's Brewhouse & Grill门面唔大，仲有啲低调嘅感觉，但其实内里环境颇大。餐厅占两层楼，地下喺酒吧区，走轻松路线，楼上则喺用餐区（当然，亦设立少少单单饮酒嘅位置），走情调路线，故晌度用餐气氛一流，然而，却又唔会太拘谨。
用餐区较后方嘅位置，更喺设有天幕玻璃，可能近日午间阳光太猛，亦被拉起幕帘遮晒，但被安排坐晌近窗一边嘅卡位，位置阔落，全面都喺落地大玻璃，楼底又高，开扬舒服，感觉更悠闲。
由地下上一楼之时，晌楼梯见到大大只霓虹灯写住「eat · drink · relax」，正正可能就喺餐厅想客人嚟到嘅感觉。所以，我哋边谈，就边轻松用餐，抛低工作嘅烦恼。
主餐牌设计到成张大海报模样，加上部份菜式嘅插图，醒目吸引。起首有一系列海鲜精选，跟住仲有前菜及小食、汤及沙律、扒类精选、酒吧特色菜及主菜、配菜、甜品，可以讲喺种类齐备。
原来餐厅逢星期一，有主菜买一送一优惠（扒类精选除外），今晚唔喺星期一，真喺走宝嘞！
另一张喺饮品餐牌，包括有手工啤、啤酒、苹果酒、葡萄酒、鸡尾酒、无酒精鸡尾酒、奶昔……等等。留意，手工啤、啤酒、苹果酒及部份红白餐酒有欢乐时光优惠。
仲有一张小饮品餐牌，罗列咗有数十款嚟自唔同国家嘅威士忌，如苏格兰、爱尔兰、美国、日本、台湾、印度、加拿大， 绝对喺威士忌爱好喜嘅福音啦！
MC Fruit Fizz $45Fruit Fizz有苹果、热情果、士多啤梨或芒果口味选择，小弟拣最后者。虽然入口芒果味真喺唔重，反而薄荷味突出，但冰凉透心，尤其近排大热天，口感更爽。值得一赞喺餐厅都有支持环保嘅心，用咗钢饮管，有人会担心卫生问题，相信仍要一段时间啲人先接受到，而晌啲中高档餐厅客人应该较少担心。
Blackberry Lemon Squash $70友人就选取以黑莓糖浆加柠檬梳打做成嘅Blackberry Lemon Squash，色泽淡粉红，仲插咗一颗黑莓，卖相几标致。同样啱晒炎夏享用，口感冰凉，而味道就较为偏向柠檬味。
烟熏鸡肉牛油果沙律 $168近年牛油果大热，所以，唔少菜式都加入牛元素，就连早前晌湾仔饮过一「杯」鲜奶咖啡，都跟牛油果联乘。讲番碟沙律，份量十足，沙律菜以他力干油醋汁拌匀，本身已经几好食，仲加埋牛油果、水瓜柳、黑橄榄、松子仁、车厘茄……等等，非常好食。而啲鸡肉好似手撕咁，唔嚡，又有点烟熏香。
烟熏鸡肉牛油果沙律
$168
26 浏览
0 赞好
0 留言
近排真喺有口福，晌多家餐厅食过啲极有水准嘅意大利面，今次晌McSorley's所见都有一道招牌意大利面，既然喺店家推介，相信有一定质素，故此放弃小弟心水嘅健力士牛肉批，改以一试该意粉。的确，喺一道高水准嘅菜式，首先，啲扁意粉柔韧有咬口，煮得恰到好处，而且每炷都挂满红甜椒汁，味道非常特别；咪以为得啲青口同大虾，其实面内仲混有唔少爽口嘅龙虾肉，兼且，青口好鲜甜，完全唔喺雪藏货可比，大虾亦爽弹带虾鲜味。
招牌海鲜扁意粉
$248
30 浏览
0 赞好
0 留言
香焗芝士通心粉 $62配菜中都谂紧拣招牌菜式嘅香焗芝士通心粉，还是个人偏好嘅忌廉牛油菠菜，最后，就就友人喜好，拣咗前者。整道通粉都填满香浓嘅芝士，焗过嘅通粉又多添份咬口感，我哋都几满意。
甜品方面，我哋都钟意食甜品，所以，之前嘅菜式都唔会点太多，恰好就够喇，因为留肚食甜品嘛。餐牌中，甜品共有4款，每款都喺卖$88，以「招牌香浓朱古力蛋糕」睇起嚟最吸引。
招牌香浓朱古力蛋糕 $88用上「Legendary」，难道唔单止喺招牌，更喺传说中难以想像中嘅美味？以小铜锅盛载，再加上大大球云呢嗱雪糕，送到嚟雪糕都有少少溶，可见份朱古力蛋糕有几热。蛋糕嘅外壳好脆口，里面填满浓浓嘅朱古力浆，喺心太软嘅铜锅版，伴以雪糕同食，有点冰火效果。不过，个人就稍稍觉得再焗耐啲更好，因为蛋糕壳较薄占好少部份，朱古力浆占得实在太多，似饮超特浓朱古力多过食一道甜味。
午市（12:00-2:30pm）就提供自助午餐，每位数$178，供应有一系列精选主菜及爱尔兰菜式、沙律、冷盘、配菜、甜品，不过，只限星期一至五，明显对象都喺ICC楼上返工嘅人，呢啲机会唔喺我。
老友赞呢度用餐气氛好，食物水准高，确喺物有所值，而且，服务好贴心，食完个沙律，已有帮我哋换过啲餐碟食主菜，而到甜品就更加换过套餐具。为咗了解啲食物质素，前后经理及主要招呼我哋嘅店员，均有询问我哋对食物嘅意见，可见佢哋都重视自己嘅出品水准合唔合客人嘅期望。唯可惜我哋都唔多饮啤酒，未有一尝，唔知啤酒如何，但见唔少外藉客人嚟「欢乐时光」，相信自有其吸引之处。
张贴
