影片
更多
2024-07-10
292 浏览
放lunch时间，当其他铺头大排长龙，而呢间餐厅可以直入都知伏。其实以前我成日嚟呢间餐厅，因为抵食又通常唔使等，但自从有次发现佢啲酸菜鱼退步咗好多就冇再嚟。隔咗一年几经过唔想等，就谂住畀多次机会。友人嗌咗一份口水鸡，本身系装喺一个碗，下面垫住一个碟。上台时，待应先放低个碗，继而放低埋个碟，由于分开咗放，所以一放上台就见到本身被遮住嘅碟上面有几嚿食物嘅残渣。我相信个待应都见到，但佢都系直接走开咗。我自己叫咗一份上海排骨拼重庆酸辣粉，再加$5跟一杯冻饮。食食下碗面见到有一嚿米白色嘅嘢，一开始以为系腐皮，我仲咬咗一啖，点知原来系纸巾/纸制品，即刻吐返出嚟同冇晒胃口。个staff一开始话再整一份面畀我，但我已经唔想再食，佢先肯帮我取消我自己份餐。点知见到张单佢收返我杯冻饮正价$22，佢话因为我取消咗个餐所以要收返正价，但明明系你哋嘅食物有问题我先去取消，理论完之后就改返收我$5。其实收钱完全冇问题，因为我的确有饮到，而且喺咬完呢嚿纸巾我更加净系想疯狂饮嘢漱口，不过咁计较嘅处理手法就真系少见。讲返啲食物，碗酸辣粉可以话系冇味，我要𢳂我朋友份口水鸡嘅杯先有返啲辣味。总括嚟讲，呢间餐厅嘅卫生情况、处
其实以前我成日嚟呢间餐厅，因为抵食又通常唔使等，但自从有次发现佢啲酸菜鱼退步咗好多就冇再嚟。隔咗一年几经过唔想等，就谂住畀多次机会。
友人嗌咗一份口水鸡，本身系装喺一个碗，下面垫住一个碟。上台时，待应先放低个碗，继而放低埋个碟，由于分开咗放，所以一放上台就见到本身被遮住嘅碟上面有几嚿食物嘅残渣。我相信个待应都见到，但佢都系直接走开咗。
我自己叫咗一份上海排骨拼重庆酸辣粉，再加$5跟一杯冻饮。食食下碗面见到有一嚿米白色嘅嘢，一开始以为系腐皮，我仲咬咗一啖，点知原来系纸巾/纸制品，即刻吐返出嚟同冇晒胃口。
个staff一开始话再整一份面畀我，但我已经唔想再食，佢先肯帮我取消我自己份餐。点知见到张单佢收返我杯冻饮正价$22，佢话因为我取消咗个餐所以要收返正价，但明明系你哋嘅食物有问题我先去取消，理论完之后就改返收我$5。其实收钱完全冇问题，因为我的确有饮到，而且喺咬完呢嚿纸巾我更加净系想疯狂饮嘢漱口，不过咁计较嘅处理手法就真系少见。
讲返啲食物，碗酸辣粉可以话系冇味，我要𢳂我朋友份口水鸡嘅杯先有返啲辣味。总括嚟讲，呢间餐厅嘅卫生情况、处理手法同食物质素有好大改善空间，完全唔会推荐大家去。
张贴
