影片
更多
2010-02-21
17 浏览
20-2-2010睇了 Babedolphin 及辣子的食评, 对呢度的捞面好有兴趣, 是日收工捉了朋友陪我嚟试试. 大家的两份捞面餐 (跟小食及饮品) 尽量叫了唔同的配搭, 方便试多 d. 小食 #1 醉酒牛脷托: 系牛舌附近的肉? 切成粒状再配花雕汁, 食落极爽口, 酒香扑鼻又带淡淡肉香, 几好食 小食 #2 花雕醉鸡翼: 同一款酒汁, 够晒香, (雪)鸡翼鸡皮入味爽身又唔觉肥腻, 不过肉嚡得过份, 亦十分「黐骨」, 感觉麻麻.我食羊腩捞粗配「咸鱼酱」: 粗面质感几爽口, 虽然碟底几多油渍, 又带轻微碱水味, 不过「碱水度」都叫可以接受了, 起码唔似 e.g. 呢度的碱水捞粗 (http://www.openrice.com/restaurant/commentdetail.htm?commentid=169100) 咁大镬; 咸鱼酱唔系死咸, 食落香浓惹味仲好似带点甜 (?), 令人谂起壹碗面的自家制捞面(沙茶)酱 (http://www.openrice.com/restaurant/commentdetail.htm?commentid=2046428), 正
睇了 Babedolphin 及辣子的食评, 对呢度的捞面好有兴趣, 是日收工捉了朋友陪我嚟试试. 大家的两份捞面餐 (跟小食及饮品) 尽量叫了唔同的配搭, 方便试多 d.
小食 #1 醉酒牛脷托: 系牛舌附近的肉? 切成粒状再配花雕汁, 食落极爽口, 酒香扑鼻又带淡淡肉香, 几好食
小食 #2 花雕醉鸡翼: 同一款酒汁, 够晒香, (雪)鸡翼鸡皮入味爽身又唔觉肥腻, 不过肉嚡得过份, 亦十分「黐骨」, 感觉麻麻.
我食羊腩捞粗配「咸鱼酱」: 粗面质感几爽口, 虽然碟底几多油渍, 又带轻微碱水味, 不过「碱水度」都叫可以接受了, 起码唔似 e.g. 呢度的碱水捞粗 (http://www.openrice.com/restaurant/commentdetail.htm?commentid=169100) 咁大镬; 咸鱼酱唔系死咸, 食落香浓惹味仲好似带点甜 (?), 令人谂起壹碗面的自家制捞面(沙茶)酱 (http://www.openrice.com/restaurant/commentdetail.htm?commentid=2046428), 正 羊腩系「清汤腩」, 羊味香, 肉十分松化, 仲有点筋膜位, 食落爽身, 正 汤底 (牛骨汤?) 带点药材味的甘甜, 又有点花椒八角的香, 加埋羊味, 正 几好食的一款捞面, 呢个配搭值得试试.
朋友食鲜牛坑腩并鱼片头捞幼, 配「鸡汁虾籽」: 幼面爽口, 呢个就无碱水味, 比粗面好得多; 不过「鸡汁虾籽」无乜虾籽香, 整体亦较湿, 印象一般; 鱼片头劲厚切 , 鱼味唔算浓, 质感就几松化, 而且实在十分弹口, 都不错; 牛坑腩用新鲜货, 肉味清香, 质地就似爽腩多 d, 爽到呢 汤底就同羊腩的一样 (应该都系同一煲来的吧?), 不过呢个就梗系少一份羊味啦, 哈哈.
饮品叫了招牌「创坊奶茶」: 卖相好滑, 饮落亦然, 不过只有奶香, 茶味好薄, 唔太喜欢.
食完面餐劲饱, 今次注定同朋友 C 介绍的荔枝雪饼无缘了.
食物不错, 环境亦干净企理, 可惜我哋坐的 2 人台几窄, 仲要坐喺 4 人坐 6 人台, 但又劲 "ngah zah" 的隔嚟台, 都咪话唔辛苦.
埋单每人约 $75, 唔算好贵, 虽然食物并非无敌, 不过嚟开喺呢头都值得试试的.
张贴
