北海道初雪烘焙 (已結業)

月初去食过深水埗嘅北海道牛乳8.0雪糕，见呢间芝士挞店都有供应，所以衬住周日放假过黎试试。北海道初雪烘焙主打北海道芝士挞，除此之外，仲有雪糕同日式雪糕菠萝包。本来一心要食雪糕，见到个菠萝包几吸引，于是就变左食包。由于早前食过世界第二好食嘅雪糕蜜瓜包，当时非常狼狈，估唔到我都仲有如此勇气。日式雪糕菠萝包 $39冲绳菠萝、菠萝包已经一早砌好，置于柜内，落单后，店员会唧起雪糕，然后快手用纸包好，成个过程不消一分钟。接过手后我快速影左两张相，由于呢个包系常温，所以雪糕冇溶得咁快，但我都唔敢玩太耐。菠萝包每日新鲜焗制并限量60个，食落似烘松饼，有别于港式菠萝包，唔系唔好食，只系冇乜特别，而且包碎多，好呛喉，食到我猛咳…包面似松饼，包底却似猪柳汉堡嘅包，烟烟韧韧…以包而言，我觉得世界第二好食蜜瓜包嘅包比较软绵松软。冲绳菠萝轻轻烘过，唔会出水，酸酸甜甜。至于我一心黎食嘅北海道8.0牛乳雪糕，冇失望！牛乳味强烈，质地浓厚滑溜，甜度适中，好食整体黎讲，菠萝包唔系新鲜热辣，所以雪糕冇溶得咁快，但变相个包就冇咁好食。呢个包普普通通，我试一次就够！但牛乳雪糕不错，可以净食雪糕！