北海道初雪烘焙 (已結業)

買左1個芝士撻, 一個朱古力撻, 分別係$20 & $25。買完即食, 食過其他流心撻係好好食會回味, 呢間完全唔係嗰回事, 2件撻唔熱, 一啲暖都無, 完全唔覺流心, 件芝士撻我淨係覺得好似食cheese cake咁, 個朱古力撻味道仲怪, 好彩好細件, 3啖食晒。係極度失望,咁就收我45蚊,味道唔係一般,係難食

雖然正宗的雪糕菠蘿包還未正式開到香港，尖沙咀這間芝士撻店就出了這款新品，每日限量供應。菠蘿包一早已經做好，客人下單後店員就會擠上8.0牛奶雪糕，再蓋上菠蘿蓋，雪糕菠蘿包就完成了，而且包裡面還真的加上沖繩的菠蘿片，非常有趣。味道方面，包身沒有再特別烘熱，所以食落是室溫偏凍，包底是英式鬆餅，質感較煙韌，菠蘿蓋則帶少少酥香。可惜的是，雪糕夾在菠蘿包中間不太食得出牛奶味。雖然菠蘿片帶甜味幾清新，但三樣食材加起來不太夾，味道普普通通。

最近路經尖沙咀K11時,發現此店! 吸引的地方不僅僅是店家以菠蘿包、新鮮沖繩菠蘿肉作招徠,而是搭配北海道牛奶雪糕作冰火搭配. 更重要是,這不是普通的牛奶雪糕,而是用上8.0牛奶所製,乳脂含量大增幅,味道也變得香濃吧! 雖然售價$38不算便宜,但吃後覺得物超所值,值得一吃再吃!單單是為了吃雪糕,要值得再吃. 坊間也至有一兩家店有供應這乳脂濃度的雪糕! 加上是日下午2點時段,意外不用排隊,輕鬆付款就買得到了!看著店員把已開半的菠蘿包和圓型菠蘿,輕輕送進回焗爐翻熱1分鐘. 付款之後,翻熱的程序已完畢.那邊,只見店員已準備好在菠蘿包頂上滿滿的擠上8.0雪糕. 然後放在包裝紙上夾好! 附以膠湯匙進食,相當細心!畢竟雪糕份量不少,需要湯匙輔助才能輕鬆吃完! 一口確是吃不完!緩緩由頂層脆皮吠下去,雖沒有卡拉卡拉的脆鳴聲音,也不乏鬆脆的粒粒餅碎感覺,重點是夠香!下面的菠蘿由於早已烘烤過,沒有出水的情況下,放在包中一咬,鮮菠蘿汁湧出,實在味美!果然,沖繩菠蘿的甜度非一般菠蘿可媲美,烘烤過後保有甜美,一點酸的感覺也沒有呢!暖暖的這兩層,配以上面冰冷的雪糕,不論味道,已相當優勝! 出乎意料之外,是雪糕比想像

睇完馬家開飯介紹呢間8.0雪糕，8.0真係唔係得個名，既滑又好有牛奶味，真係好好味唯獨美中不足就係個cone..雖然都好脆，但如果用waffle cone就更perfect

月初去食過深水埗嘅北海道牛乳8.0雪糕，見呢間芝士撻店都有供應，所以襯住週日放假過黎試試。北海道初雪烘焙主打北海道芝士撻，除此之外，仲有雪糕同日式雪糕菠蘿包。本來一心要食雪糕，見到個菠蘿包幾吸引，於是就變左食包。由於早前食過世界第二好食嘅雪糕蜜瓜包，當時非常狼狽，估唔到我都仲有如此勇氣。日式雪糕菠蘿包 $39沖繩菠蘿、菠蘿包已經一早砌好，置於櫃內，落單後，店員會唧起雪糕，然後快手用紙包好，成個過程不消一分鐘。接過手後我快速影左兩張相，由於呢個包係常溫，所以雪糕冇溶得咁快，但我都唔敢玩太耐。菠蘿包每日新鮮焗製並限量60個，食落似烘鬆餅，有別於港式菠蘿包，唔係唔好食，只係冇乜特別，而且包碎多，好嗆喉，食到我猛咳…包面似鬆餅，包底卻似豬柳漢堡嘅包，煙煙韌韌…以包而言，我覺得世界第二好食蜜瓜包嘅包比較軟綿鬆軟。沖繩菠蘿輕輕烘過，唔會出水，酸酸甜甜。至於我一心黎食嘅北海道8.0牛乳雪糕，冇失望！牛乳味強烈，質地濃厚滑溜，甜度適中，好食整體黎講，菠蘿包唔係新鮮熱辣，所以雪糕冇溶得咁快，但變相個包就冇咁好食。呢個包普普通通，我試一次就夠！但牛乳雪糕不錯，可以淨食雪糕！

行過太香，忍唔住入去買個試下！買左個北海道雪糕菠蘿包同朱古力芝士撻講下個北海道牛乳雪糕菠蘿包先 （$38）個雪糕好綿，又唔會太重牛乳味菠蘿係原片燒菠蘿 🍍個包都焗得好香口值得一試 P.S. 店員建議我哋食左個雪糕先淨返少少再同個包一齊食另外，叫左朱古力芝士撻creamy 同埋朱古力味好濃但一啲都唔膩推介

唔知從咩時候開始，抹茶，紫薯，同芝士，依三樣野成為了熱潮食品的必備方程式要素，就好似芝士撻，就係方程式下既產物。如果加埋"流心"依兩個字，那就不得了，更使人難以抗拒.....當然也包括我。曲奇底還是酥皮底的撻較好食，這是一個千古難題，在此不開啟討論，對於這個芝士撻，我還是幾期待的，觸手微暖，並冇即出爐的熱氣，吃下時餅底仍然脆口，芝士味道卻比想像中的略淡。中間有些微流心，但流心的質地較似cream ，而不是變成漿液流出。整體來講味道還是不錯，但未到驚艷程度的這種價錢就略顯得貴了。

今日收工後上朋友鋪頭 ~~ 上人地道就梗係要買d野既 ~~ 哈哈 !! 行過親呢間鋪都冇乜人...心諗...標明北海道...應該唔會差得去邊架...點解會冇人既呢...咁我就買左半打上我朋友道喇 !!我買左陣仲熱架 !! 上到去我自己拎左個黎食 ~~ 哈哈 !! 說真的...我個人係覺得佢好食過 半x 同 Bxxx !! 芝士味好濃比果兩間都好 !! 個撻皮好香牛油味 !! 我諗佢地廣告做唔夠...唔夠人揮 !! 如果大家喜歡既可以一試呀 !! 你唔食過又點會知自己鍾意食邊隻味呢 ~~ 唔好盲目 !! yeah !!!!!!! 

經過又見到呢間舖，想食嘢又未試過，於是入去買個試下。推廣之下，我就買咗一盒，好，拎返去畀家人試下。賣相唔錯，但唔知味道點樣。呢個撻同銅鑼灣Sogo下面個間一樣都係曲奇皮，食起嚟，皮係薄啲，呢樣值得讚嘅。不過，大家食芝士撻，都係想食到香濃嘅芝士味，所以，芝士味一定要重啦～可惜嘅係，佢芝士味唔多重，又唔夠持久，估計係用咗輕芝士，類似yogurt cheese那種，偏重酸味。我諗呢個就係大家唔太鍾意嘅原因，香港人似乎唔buy酸味甜品 =(我個人都覺得OK ge～不過唔係芝士撻FANS，偶爾食下都可以的。

日本北海道激純牧場芝士撻 $20來自北海道中村家族的新店🤔🤔 店員介紹:「我地唔同銅鑼灣果間，雖然都係由北海道黎，但其實佢地個師傅以前係我地師傅既徒弟...」聽到即刻停步買了一個試結果真的「得啖笑」😂😂 完全兩回事，小編即場吃，但牛油皮已經有點硬，一點也不鬆化；裡面的芝士餡半流心狀，芝士味偏酸，但不夠濃郁😒😒 以這質素這價錢，簡直就是#中伏 更不用跟銅鑼灣的相比了

前天，我和親友到尖沙咀行逛，親戚專登來試下傳聞中的流心芝士撻，沒想到卻令他們十分失望，流心芝士撻並沒有傳聞中的流心，而且價格都比一般芝士撻貴，感覺極唔抵食。芝士撻的賣相其實不俗，但可惜味道稍遜，芝士味濃度唔太重，味道較淡，因為唔係新鮮出爐，沒有熱烘烘的feel，芝士撻只有少少暖，而且芝士撻並不流心，而餅底是牛油，不是酥皮，個人較喜歡酥皮底，因為酥皮較鬆脆可口，牛油底則牛油味較重，蓋過了淡淡的芝士味，味道更遜色。整體而言，傳言中的流心芝士撻味道一般。

黎到尖沙咀, 飽飽地, 最岩食個甜品. 同女朋友黎到K11附近, 廿零蚊買個芝士TART試下. 食落好滑, 雖然芝士味唔夠尖沙咀另一間禁出, 但我本身都鍾意淡淡然啲味, 比較上黎, 以滑取勝啦! 不過小弟之前日本遊, 都食左個芝士TART, 日本大約平一半, 芝士味濃又滑, 皮夠鬆脆... 真係同HK無得比, 所以今次都只能比"OK"喇 留意店鋪其實無乜位立食, 街道都窄窄地, 要食就可以對面K11個花園慢慢嘆 

❄️❄️初雪芝士撻$20🧀🧀芝士撻幾creamy入口即溶，每啖到食到好濃既cream cheese 同奶香，撻皮都幾實幾脆未做到流心既感覺😈佢建議食法係要入焗爐焗返熱，可能要入焗爐焗一焗再食會好啲😋😋

似乎芝士撻的熱潮還是一樣的猛烈，日本不同的牌子也陸續來香港開分店。不過我還是忠於自己的原則，要我排很久隊的就不光顧。還好今天在尖沙咀附近閒逛， 在K11附近發現了這一間開張了不久的芝士撻烘焙店，沒有多想便決定買來試試，反正沒有太多人排隊，對我的時間上沒有太大的損失呢。就是因為我沒有排隊，唯一一次吃到的芝士撻是美心出品的，當然美心出品不會太差也不是最好，但我對芝士撻就總是有種很膩很「滯」的感覺，芝士撻也有一個壞處，就是熱吃才吃到芝士流心的感覺，之後想再熱吃就要用微波爐叮熱或焗爐翻熱。感覺上有點麻煩，但當然這樣的吃法就有人喜歡有人不愛!對於這種外國品牌的服務員通常態度有點差，因為算是第一次正式吃芝士撻，所以詢問服務員哪種吃法是比較好吃，他們的態度很好而且解答我十分詳細，加分！最後他們竟然回答我預料之外的答案，就是冷吃，他們建議我買多點，分別是用來熱吃及冷吃(當然我一個人也吃不了五件這麼多，買多只是和愛人及家人分享一下，順道聽聽他們的意見，但這樣的推銷手法有點厲害哈哈。)也說冷吃的感覺是有點像cheese cake。聽後我又帶著又興奮又緊張的心情，回家試試這個有趣的小實驗。先來談談熱食吧，撻

食過M18、大班、baker cheese 同呢間初雪，覺得心頭好第一名係M18, 因為夠平($12)又好香濃，啲cream cheese 會流出黎。第二係bake cheese tart($20), 其實最好食, 又係流心, 個撻皮又脆又有牛油香。第三係呢間初雪($20)，可能我叮左,食個時就冇流心啦! 味道方面佢冇 bake cheese tart 咁濃, 個撻皮都冇人地咁香。買個時個tart唔似其他咁脹卜卜, 賣相係冇咁靚, 叮完脹會返, 可惜冇左流心.....