微酵烘焙 (MOKO新世紀廣場) (已結業)

一向都好钟意食唔同既面包，今次系moko见到呢间新开既面包店，感觉几靓又多出面无既包，就同朋友一齐买咗啲做个几日既早餐。见到有卖埋嘢饮，我地仲即场买咗每一人一杯嘢饮添。我就叫咗甜芝士奶盖四季萃玉($35)，要咗微甜少冰，个奶盖都几多，奶味适中唔会太腻，而茶既茶香味都好劲。朋友就叫咗杯爆爆水果茶($35)，我试咗小小，觉得甜度都几适中，之前饮过啲水果茶都几甜，但呢杯就无呢个问题。最尾我地就一齐叫咗五个包，我就叫咗其中三个，朋友就叫咗两个食。我最期待就系呢个招牌三文治($22)，我同朋友都各自买咗个，返去放咗系雪柜，第二朝就直接拎出嚟食。入面既sauce同火腿都做到好creamy，食落去好有油滑既香口感，我自己好钟意，下次经过都打算再回购呀！呢个肉松包($28)系朋友买，份量好大，佢话分咗两日去食，话叮咗之后食好香好好味。蒜香烟肉软包($28)，呢个都好大一个，我同屋企人一齐分嚟做早餐，我都系叮咗嚟食，啲蒜香味好浓烈好好食，而个包口感都好软，好钟意呢种口感。最后就有呢个酥烤罗宋($24)，奶油味最香既一个，都系同屋企人一齐share嚟食，屋企人都好钟意。