吉豚屋吉列豬扒專門店

营业中

休息中

吉豚屋嘅吉列豬扒飯應該唔少人都食過，但如果唔係住葵廣附近，可能都唔知佢哋有出菠蘿包系列😱作為一個成日都買三文治/卷餅做正餐嘅人，一見到即刻忍唔住食返個吉列豬扒菠蘿包($39)，順便加杯烏梅汁去解膩($11)😆豬扒係即叫即炸，所以一嚟到就聞到超級香，咬落去脆卜卜、肥瘦適中、彈牙有肉質，真係平食吉列豬扒嘅最佳選擇😋估唔到個菠蘿包亦都好出色，軟熟得嚟有麵包本身嘅香味，絕對係童年嘅味道(P.S. 而家好多菠蘿包都麻麻哋🥺)，搞到我有啲想問老闆喺邊間麵包舖入貨🤣最重要係佢保留咗日本餐廳必備嘅椰菜絲，份量都唔少，中和返吉列豬扒嘅油膩感，成件事真係好融洽🥰大家記住要問店員攞刀叉食，因為真係好厚，一啖完全咬唔晒🤓