享樂烘焙

营业中

休息中

蜜糖提子司康、抹茶司康 $16一个 $28两个可室温保存两日，焗热嚟食更加好食。司康质感有啲似muffin，唔黐牙，牛油香比较淡。蜜糖提子系经典口味，微微蜜糖香味，抹茶用小山园抹茶粉，茶味几香。特浓抹茶焦糖三角 $18用丸久小山园抹茶粉整嘅厚抹茶吐司，加埋特制焦糖抹茶酱，焗到焦香。虽然我冇跟指示即日食或者放喺雪柜之后再焗热，但吐司依然松软、有弹性。味道唔算甜，抹茶未够浓，焗热之后外皮都冇变脆，整体都系偏向软绵。明太子软包 $13软包好松软，入面都擦咗明太子蛋黄酱，咬落咸咸香香。虽然建议即日食，或者放雪柜，而家天气冻，放室温之后焗热都好食。汤种原味贝果 $13用低于1.6%糖，入边冇用奶、蛋、牛油，所以可以算得上系素？因为系汤种嘅关系，所以系松软，似普通面包，唔系纽约式贝果风格。*汤种紫菜肉松芝士贝果 $20标榜用台湾直送肉松及自家制香蒜芝士，入边冇蛋、冇牛油。贝果偏松软，唔烟韧。紫菜碎感觉有啲怪怪，唔夹肉松馅，而且芝士份量唔够多。