rasupermen (已結業)

未黎前一路以为呢间餐厅系主题餐厅, 绰头嘢. 所以一直冇兴趣试. 后来有同事话d 拉面其实几好食, 有晚就黎试左.入面原来都几细. 三尖八角令我谂起d楼盆呃鬼嘅钻石型厅. 坐bar枱可以睇住师傅整面, 高櫈惊喜地舒服. 本来想食季节限定的担担拉面, 但谂下第一次黎都系叫正常汤底试下好d. 响冇哂味噌汤底下叫左豉油汤底.面黎到觉得好似几细碗. 料冇乜, 䈡, 几条笋同一块肉, 冇蛋 后来食左轮先发觉面都几多. 个人其实麻麻豉油汤底, 但呢个几啱我口味, 汤底几香, 咸味适中, 带少少甜, 唔算油. 面身偏硬, 面属幼身但好在唔会太幼, 太幼挂汤太多会太咸. 肉肥但不太过份, 肉质有d鞋但胜在切得薄. 葱唔够多. 笋冇乜特别.装筷子柜桶内有张简介讲佢地由汤底至制面都好认真.总结: 碗面真系算几认真, 面几好可惜块肉麻麻. 加上价钱贵. 拉面铜锣湾大把选择, 未必会再返黎了.